«الماتىدا ءۇشىنشى ۆوكزالدىڭ قۇرىلىسىن باستايمىز» – دوساەۆ

الماتى قالاسىنىڭ اكىمى ەربولات دوساەۆ قالادا الماتى-3 تەمىر جول ۆوكزالىنىڭ قۇرىلىسى باستالاتىنىن ايتتى دەپ حابارلادى turkystan.kz.

بۇل تۋرالى قالانى دامىتۋدىڭ 2025 جىلعا دەيىنگى جوسپارىن تالقىلاۋ بارىسىندا ءمالىم بولدى.

«قالا ماڭىنداعى كولىك بايلانىسىن جاقسارتۋ ءۇشىن ءبىز قوسىمشا قالا ماڭىنان قالاداعى كولىك حابتارىنا دەيىن 30 مارشرۋت، الماتى-2 ستانتسياسىنان قوناەۆ قالاسىنا دەيىن ەلەكتر پويىزىن ىسكە قوسامىز. سونداي-اق الماتى-3 تەمىر جول ۆوكزالىنىڭ قۇرىلىسىن باستايمىز»، – دەدى قالا اكىمى.

سونداي-اق، ول 2025 جىلعا دەيىن قۇلجا تاسجولى مەن بورالداي-شامالعان تراسساسىن، 2030 جىلعا دەيىن تالعار تراكتىسى مەن جوعارعى قاسكەلەڭ جولى كەڭەيتىلەتىنىن جەتكىزدى.

«قالا مەن الماتى وبلىسى اراسىندا كۇندەلىكتى قوعامدىق كولىكتە جول ءجۇرۋ 2025 جىلعا قاراي قازىرگى 400 مىڭنان 500 مىڭعا دەيىن جانە 2030 جىلعا قاراي 600 مىڭعا دەيىن ۇلعايۋى ءتيىس. الماتى اگلومەراتسياسىندا قوعامدىق كولىكتى دامىتۋ جونىندەگى بىرلەسكەن جوبالىق كەڭسە قۇرىلادى»، – دەدى دوساەۆ.

ۇقساس جاڭالىقتار

Back to top button