الاكول تۇرعىنى: «باسقا دەمالىس ورىندارى تەگىن كومەك كورسەتىپ جاتىر»

الاكولدە بولعان ورتتەن 7 ادام زارداپ شەكتى. الايدا ءورتتىڭ نەدەن شىققانى تۋرالى ناقتى ءالى اقپارات بەرىلمەدى. Turkystan.kz ءتىلشىسى الاكولدەگى «دارحان ليۋكس» دەمالىس ورنىنىڭ يەسىمەن سويلەسىپ، وقىس وقيعا تۋرالى جانە ءورتتىڭ نەدەن شىققانىن سۇرادى. 

«تۇنگى 11-گە قاراي ءبارى «ءورت، ءورت» دەپ شۋلاپ كەتتى. ءبىزدىڭ اۋماق تىنىش. توتەنشە جاعداي بىزگە قاراما-قارسى ورنالاسقان «كەرۋەن» دەمالىس ورنىندا بولدى. ءورت سوندىرۋشىلەردەن بۇرىن جەرگىلىكتى حالىق، اۋىل ادامدارى كومەككە كەلدى»، – دەيدى جامال حانىم.

كۋاگەر الاكولدەگى دەمالىس ورىندارىنىڭ قازىرگى جاعدايى تۋرالى دا بايانداپ بەردى. 

«ءتىلسىز جاۋ تولىعىمەن اۋىزدىقتالدى. تەك ءار جەردە ورتكە ورانعان ۇيىندىلەر مەن كۇلگە اينالعان زاتتار جاتىر. اتالعان دەمالىس ورنىنداعى دەمالۋشىلاردى باسقا دەمالىس ورىندارى تەگىن قابىلداپ، ولارعا كومەك كورسەتتى. قازىر دەمالۋعا كەلگەن ادامدار ءۇشىن كول ەمەس، ءومىر ماڭىزدى بولىپ تۇر»، – دەدى «دارحان ليۋكس» دەمالىس ورنىنىڭ يەسى.

ءوز كەزەگىندە سۇحباتتاسۋشى ءورتتىڭ ناقتى نەدەن شىققانىن ايتا المادى. بىراق ول اتالعان اۋماقتا قورقور شەگىلىپ، ونىڭ شوعى پەردەگە تۇسكەن بولۋى مۇمكىن دەگەن بولجام جاسادى.

ۇقساس جاڭالىقتار

Back to top button