الاكولدەگى ورتتەن 7 ادام زارداپ شەكتى (ۆيدەو)

الاكولدەگى دەمالىس بازاسىندا بولعان ءورت 5 ساعات بويى ءسوندىرىلىپ، وقيعا ورنىندا 7 ادام زارداپ شەكتى. بۇل تۋرالى اباي وبلىسىنىڭ تجد ءباسپاسوز قىزمەتى مالىمدەدى دەپ حابارلادى turkystan.kz.

«الاكول جاعاسىنداعى دەمالىس بازاسىندا الدىن الا ەسەپتەلگەندەي 3 مىڭ شارشى مەتر اۋماق ورتەنگەن. 4 دەمالىس ورنى ءب ۇلىندى. ءبىر-بىرىنە جالعاپ سالىنعان اعاش ۇيلەرگە ءورت جىلدام تارادى. ونىڭ ۇستىنە قاتتى جەل دە ءورتتى سوندىرۋگە كەدەرگى كەلتىرگەن. 5 ساعات 40 مينۋتقا سوزىلعان الاپات ءورتتى سوندىرۋگە توتەنشە جاعدايلار دەپارتامەنتى جانە پوليتسيا، جەرگىلىكتى ورگانداردان كەلگەن 186 ادام مەن 29 تەحنيكا جۇمىلدىرىلدى. ورتتەن زارداپ شەككەن 7 ادام مەديتسينالىق كومەككە جۇگىنگەن. الايدا ولار اۋرۋحاناعا جاتۋدان باس تارتقان»، – دەلىنگەن ءباسپاسوز حابارلاماسىندا.

ءورتتىڭ نەدەن شىققانى انىقتالۋدا. وقيعا ورنىندا وپەراتيۆتىك شتاب جۇمىس ىستەپ جاتىر.

ايتا كەتسەك، وقيعا 5 شىلدەگە قاراعان ءتۇنى ساعات 23:20 شاماسىندا بولعان.

تاعى وقي وتىرىڭىز: ەكى دەمالىس ورنى ورتەنىپ جاتىر

ۇقساس جاڭالىقتار

Back to top button