قىزىلوردادا اسا ءىرى مولشەردە ەسىرتكى تاسىمالداعاندار ۇستالدى

قىزىلوردا وبلىسىندا اسا ءىرى مولشەردە ەسىرتكى تاسىمالداعان ەكى ادام ۇستالدى دەپ حابارلادى turkystan.kz.

قىزىلوردا وبلىسى پوليتسيا دەپارتامەنتى پاترۋلدىك پوليتسيا روتاسىنىڭ قىزمەتكەرلەرى «شىمكەنت-سامارا» تاس جولىنىڭ ارال اۋدانى شيجاعا اۋىلىنىڭ تۇسىندا Volkswagen اۆتوكولىگىن توقتاتقان. كولىكتە 49 جاستاعى كولىك جۇرگىزۋشىسى مەن جولاۋشى بولعان.

 «تەكسەرۋ بارىسىندا كولىكتەن ءبىر قاپقا سالىنعان ءشوپ ۇنتاقتارى تاركىلەندى. ساراپتاما قورىتىندىسىنا سايكەس، تاركىلەنگەن زات سالماعى 4 كەلىدەن استام كەپتىرىلگەن ماريحۋانا ەكەنى بەلگىلى بولدى. اتالعان دەرەك بويىنشا قر قىلمىستىق كودەكسىنىڭ 296-بابى 4-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. وندا اسا ءىرى مولشەردەگى ەسiرتكi، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ جاعدايى كورسەتىلگەن»، – دەدى قىزىلوردا وبلىستىق پوليتسيا دەپارتامەنتى.

ۆەدومستۆو مالىمەتىنشە، ەكى كۇدىكتى ارال اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى.

ۇقساس جاڭالىقتار

Back to top button