پاۆلوداردا ءۇي اۋلاسىنان ەكى ادامنىڭ ءمايىتى تابىلدى

قايعىلى جاعداي تەرەڭكول اۋدانىنىڭ بەرەگوۆوە اۋىلىندا ورىن الدى دەپ حابارلادى turkystan.kz.   

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، 3 شىلدە كۇنى ساعات 02.10-دا مير كوشەسىندەگى جەكە ءۇيدىڭ اۋلاسىنان 46 جاستاعى ءۇي يەسى مەن 48 جاستاعى ەر ادامنىڭ پىشاق جاراقاتى تۇرىندەگى زورلىق-زومبىلىق بەلگىلەرى بار دەنەلەرى تابىلدى.

 «مارقۇمنىڭ كامەلەتكە تولماعان بالاسى امان قالدى، ول بولمەلەردىڭ بىرىنە  تىعىلىپ قالعان. اتالعان قىلمىس بويىنشا كۇدىكتى رەتىندە 22 جاستاعى اۋىل تۇرعىنى انىقتالىپ، ۇستالدى. وقيعا ورنىندا ءتيىستى تەرگەۋ امالدارى جۇرگىزىلۋدە»، – دەدى دەپارتامەنت وكىلدەرى.

اتالعان فاكتى بويىنشا قر قك-ءنىڭ 99-بابى 2-بولىگىنە سايكەس – «ەكى جانە ودان دا كوپ ادامدى ءولتىرۋ» بويىنشا سوتقا دەيىنگى تەرگەۋ امالدارى باستالدى.

قىلمىستى تەرگەۋمەن پاۆلودار وبلىسى پوليتسيا دەپارتامەنتى اينالىسادى.

ۇقساس جاڭالىقتار

Back to top button