Өзбекстанның Бас прокуратурасы Нөкістегі қақтығыс туралы мәлімдеме жасады
Өзбекстанның Бас прокуратурасы Нөкістегі қақтығыс туралы мәлімдеме жасады
Өзбекстанның Бас прокуратурасы Нөкісте болған қақтығыста 18 адам қаза тапқанын мәлім етті деп хабарлады tuyrkystan.kz gazeta.uz сайтына сілтеме жасап.
Ведомство мәліметінше, Қарақалпақстандағы қақтығыста 243 адам зардап шеккен, оның 38-і – құқық қорғау саласының қызметкері. Жарақат алғандардың 149-ына алғашқы көмек көрсетіліп, үй жағдайында емделуіне рұқсат берілген. Қазір ауруханада 94 науқас жатыр, олардың кейбірінің жағдайы нашар. Ауыр жарақат алғандардың қатарында құқық қорғау саласы қызметкерлері де бар.
Атап айтсақ, Қарақалпақстан Ұлттық гвардиясының Куриклашск бөлімінің командирінің кеудесіне 3 оқ тиген. Сол бөлімнің тағы бір командирі оң жақ тізесін сындырса, Ұлттық гвардияның Джизакск бөлімінің әскери қызметкері ашық бас-ми жарақатын алған.
Өзбекстан Ұлттық гвардиясының мәліметінше, 1-2 шілдеде ұсталған 516 азамат полиция басқармасына берілген. Олардың іс-әрекеттеріне қатысты тергеу амалдары жүргізіліп жатыр, кейбіріне әкімшілік шара қолданылған.
3 шілдеден 4 шілдеге қараған түні коменданттық сағат талаптарын бұзғаны үшін (21:00-ден 7:00-ге дейін) көшеде мақсатсыз жүрген 110 адам ұсталды. Айыппұл тұрағына 12 автокөлік құралы орналастырылды.
Нөкістегі көшелерді патрульдеу кезінде коменданттық сағат кезінде 58 адам ұсталды, оның 28-і әкімшілік Кодекстің 204-бабы бойынша жауапкершілікке тартылды. Қалған адамдармен профилактикалық әңгіме жүргізілді және олар 7:00-ден кейін босатылды.
Еске салсақ, Нөкіс қаласында он мыңдай адам референдумдағы Қарақалпақстанның Өзбекстаннан шығу құқығынан айыру мәселесіне байланысты митингке шықты. Осы оқиғадан кейін Өзбекстан президенті Шавкат Мирзиеев Нөкіске барып, Конституция баптарына түзету енгізбеуді ұсынды.