وزبەكستاننىڭ باس پروكۋراتۋراسى نوكىستەگى قاقتىعىس تۋرالى مالىمدەمە جاسادى

وزبەكستاننىڭ باس پروكۋراتۋراسى نوكىستە بولعان قاقتىعىستا 18 ادام قازا تاپقانىن ءمالىم ەتتى  دەپ حابارلادى tuyrkystan.kz gazeta.uz سايتىنا سىلتەمە جاساپ.

ۆەدومستۆو مالىمەتىنشە، قاراقالپاقستانداعى قاقتىعىستا 243 ادام زارداپ شەككەن، ونىڭ 38-ءى – قۇقىق قورعاۋ سالاسىنىڭ قىزمەتكەرى. جاراقات العانداردىڭ 149-ىنا العاشقى كومەك كورسەتىلىپ، ءۇي جاعدايىندا ەمدەلۋىنە رۇقسات بەرىلگەن. قازىر اۋرۋحانادا 94 ناۋقاس جاتىر، ولاردىڭ كەيبىرىنىڭ جاعدايى ناشار. اۋىر جاراقات العانداردىڭ قاتارىندا قۇقىق قورعاۋ سالاسى قىزمەتكەرلەرى دە بار.

اتاپ ايتساق، قاراقالپاقستان ۇلتتىق گۆاردياسىنىڭ كۋريكلاشسك ءبولىمىنىڭ كومانديرىنىڭ كەۋدەسىنە 3 وق تيگەن. سول ءبولىمنىڭ تاعى ءبىر كومانديرى وڭ جاق تىزەسىن سىندىرسا، ۇلتتىق گۆارديانىڭ دجيزاكسك ءبولىمىنىڭ اسكەري قىزمەتكەرى اشىق باس-مي جاراقاتىن العان.

وزبەكستان ۇلتتىق گۆاردياسىنىڭ مالىمەتىنشە، 1-2 شىلدەدە ۇستالعان 516 ازامات پوليتسيا باسقارماسىنا بەرىلگەن. ولاردىڭ ءىس-ارەكەتتەرىنە قاتىستى تەرگەۋ امالدارى جۇرگىزىلىپ جاتىر، كەيبىرىنە اكىمشىلىك شارا قولدانىلعان.

3 شىلدەدەن 4 شىلدەگە قاراعان ءتۇنى كومەندانتتىق ساعات تالاپتارىن بۇزعانى ءۇشىن (21:00-دەن 7:00-گە دەيىن) كوشەدە ماقساتسىز جۇرگەن 110 ادام ۇستالدى. ايىپپۇل تۇراعىنا 12 اۆتوكولىك قۇرالى ورنالاستىرىلدى.

نوكىستەگى كوشەلەردى پاترۋلدەۋ كەزىندە كومەندانتتىق ساعات كەزىندە 58 ادام ۇستالدى، ونىڭ 28-ءى اكىمشىلىك كودەكستىڭ 204-بابى بويىنشا جاۋاپكەرشىلىككە تارتىلدى. قالعان ادامدارمەن پروفيلاكتيكالىق اڭگىمە جۇرگىزىلدى جانە ولار 7:00-دەن كەيىن بوساتىلدى.

ەسكە سالساق، نوكىس قالاسىندا ون مىڭداي ادام رەفەرەندۋمداعى قاراقالپاقستاننىڭ وزبەكستاننان شىعۋ قۇقىعىنان ايىرۋ ماسەلەسىنە بايلانىستى ميتينگكە شىقتى. وسى وقيعادان كەيىن وزبەكستان پرەزيدەنتى شاۆكات ميرزيەەۆ نوكىسكە بارىپ، كونستيتۋتسيا باپتارىنا تۇزەتۋ ەنگىزبەۋدى ۇسىندى.

 

 

ۇقساس جاڭالىقتار

Back to top button