دومبىرانىڭ قۇلاعىندا وينايتىن كارىس بالا كىم؟

ساران قالاسىنىڭ ونەر مەكتەبىندە 900-دەن استام بالا ونەردىڭ ءتۇر-ءتۇرىن مەڭگەرىپ جاتىر. ولاردىڭ اراسىندا كارىس ۇلتىنىڭ وكىلى ارتەم كيم بار دەپ حابارلادى turkystan.kz.  

ول قازاقتىڭ ۇلتتىق اسپابى – دومبىرانىڭ قۇلاعىندا وينايدى. ارتەم كيم 7 جاسىندا دومبىرا شەرتۋدى، كۇي تارتۋدى ۇيرەنگەن. قوسىمشا ۇيىرمەلەردى تاڭداتقاندا بىردەن ونەر مەكتەبىنە بارعان. بۇل ونىڭ جان قالاۋى. سودان بەرى ۇلتتىق اسپاپپەن قازاق ونەرىن دارىپتەپ كەلەدى.

«دومبىرا تارتقاندا بويىمدى ءتۇرلى سەزىم بيلەيدى. دالانىڭ كەڭدىگىن سەزىنەمىن. العاش وسى اسپاپتى قولىما العاندا، مەنىڭ بويىمنان دومبىرام ۇلكەن بولاتىن. ساۋساقتارىم جەتپەيتىن»، دەيدى ارتەم.

ءتۇرى بولەك بولعانىمەن جۇرەگى قازاق دەپ سوققان ونەرپاز ۇلتتىق اسپاپتىڭ ماڭىزى ەرەكشە ەكەنىن سەزىنەدى. قازىر ول ونشاقتى كۇيدى ەركىن شەرتەدى. ساحنادا تارتقان ءار شىعارمانىڭ اۆتورىن تانىپ، تاريحىنا ءمان بەرەدى.

«باسىندا كەلگەندە كارىس بالاسى قازاقشاعا سۋداي ەكەنىنە تاڭعالدىم. دومبىرانى سول قولىمەن ۇستادى. مەن سەن سولاقايسىڭ با دەسەم، جوق دەيدى. سودان ۇيرەتتىك. وتە ۇقىپتى. ماعان ونىڭ وسى قاسيەتى ۇنادى. سول جىلدارى ساران قالاسى بويىنشا دومبىرا تارتقان جالعىز وزگە ۇلت وكىلى ارتەم بولاتىن»، دەيدى دومبىرا سىنىبىنىڭ وقىتۋشىسى عابيدەن ءابجاتوۆ.

 

ۇقساس جاڭالىقتار

Back to top button