Домбыраның құлағында ойнайтын кәріс бала кім?
Домбыраның құлағында ойнайтын кәріс бала кім?
Саран қаласының өнер мектебінде 900-ден астам бала өнердің түр-түрін меңгеріп жатыр. Олардың арасында кәріс ұлтының өкілі Артем Ким бар деп хабарлады turkystan.kz.
Ол қазақтың ұлттық аспабы – домбыраның құлағында ойнайды. Артем Ким 7 жасында домбыра шертуді, күй тартуды үйренген. Қосымша үйірмелерді таңдатқанда бірден өнер мектебіне барған. Бұл – оның жан қалауы. Содан бері ұлттық аспаппен қазақ өнерін дәріптеп келеді.
Түрі бөлек болғанымен жүрегі қазақ деп соққан өнерпаз ұлттық аспаптың маңызы ерекше екенін сезінеді. Қазір ол оншақты күйді еркін шертеді. Сахнада тартқан әр шығарманың авторын танып, тарихына мән береді.