ەلوردادا ۇلتتىق دومبىرا كۇنىنە ارنالعان شوۋ-كونتسەرت ءوتتى

ەلوردادا ۇلتتىق دومبىرا كۇنىنە وراي «جاس دومبىرا» شوۋ-كونتسەرتى ءوتتى. كەشتە تانىمال كۇيشىلەرمەن قاتار انشىلەر دە ونەر كورسەتتى دەپ حابارلادى turkystan.kz نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ. 

جىل سايىن شىلدەنىڭ العاشقى جەكسەنبىسىنە ءدوپ كەلەتىن، ۇلتتىق اسپابىمىزدى ۇلىقتاۋعا ارنالعان بۇل مەرەكە 2018 جىلدان بەرى ەلىمىزدە كەڭىنەن اتالىپ وتىلەدى.

بيىل ەلوردا تۇرعىندارى مەن قوناقتارى بۇل مەرەكەدە «جاس دومبىرا» كونتسەرتىن تاماشالادى. ايگىلى كۇيشىلەر قۇرمانعازى، داۋلەتكەرەي، تاتتىمبەت پەن قازانعاپتىڭ كۇيلەرىن كورەرمەننىڭ قۇلاق قۇرىشىن قاندىرا ورىنداپ، مەرەكەلىك كوڭىل-كۇي سىيلادى.

كەشتە ايگۇل ۇلكەنباەۆا، نۇرجان تاجىكەنوۆ سىندى بەلگىلى كۇيشىلەر مەن تانىمال انشىلەر دە ونەر كورسەتتى. ولاردىڭ قاتارىندا جۇبانىش جەكسەن ۇلى، مارجان اراپباەۆا، ەربولات قۇدايبەرگەنوۆ، قۋاندىق راحىم، ارداق بالاجانوۆا جانە الىشەر كاريموۆ تە بولدى.

«جاس دومبىرا» شوۋ-كونتسەرتى تاۋەلسىزدىك الاڭى، «قازاق ەلى» مونۋمەنتىنىڭ الدىندا ءوتتى.

ۇقساس جاڭالىقتار

Back to top button