اقپارات مينيسترلىگى جۋرناليست ميحايل كوزاچكوۆتىڭ وقيعاسىنا قاتىستى پىكىر ءبىلدىردى

اقپارات جانە قوعامدىق دامۋ ءمينيسترى اسقار وماروۆ الماتىدا جۋرناليست ميحايل كوزاچكوۆپەن بولعان جاعدايعا قاتىستى پىكىر ءبىلدىردى دەپ حابارلادى turkystan.kz stan.kz-كە سىلتەمە جاساپ.

«اقپارات جانە قوعامدىق دامۋ مينيسترلىگىنىڭ جۋرناليست ميحايل كوزاچكوۆپەن بولعان وقيعاعا قاتىستى ۇستانىمىن تۇسىندىرگىم كەلەدى. ءبىز جاعدايدى مۇقيات قاداعالاپ وتىرمىز.

كونستيتۋتسيانىڭ 20-بابى ءسوز بوستاندىعىنا كەپىلدىك بەرەتىنىن ەسكە سالامىن. اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن اقپاراتتى ەركىن الۋعا جانە تاراتۋعا قۇقىعى بار»، – دەپ جازدى مينيستر ءوزىنىڭ Facebook پاراقشاسىندا.

مينيستر ۆەدومستۆو تەرگەۋ بارىسىن قاداعالايتىنىن ايتتى. سونىمەن قاتار قۇقىق قورعاۋ ورگاندارى بولعان وقيعاعا قاتىستى تەز ارادا قۇقىقتىق باعا بەرەتىنىنە سەنىمدىلىك ءبىلدىردى.

«مينيسترلىك ءوز تاراپىنان جۋرناليستكە قاتىستى اشىقتىقتى قامتاماسىز ەتۋ ماقساتىندا قىلمىستىق ءىس جۇرگىزۋ زاڭناماسىندا بەرىلگەن مۇمكىندىكتەر شەڭبەرىندە تەرگەۋ بارىسىن قاداعالايدى»، – دەدى وماروۆ.

ايتا كەتسەك، بۇعان دەيىن ميحايل كوزاچكوۆ Facebook-تەگى پاراقشاسىندا كولىگى ب ۇلىنگەنىن جانە وزىنە الدەكىمدەر قىسىم جاساعانىن مالىمدەپ، پوليتسياعا ارىز تۇسىرگەن. ول بولىپ جاتقان وقيعا جۋرناليستىك قىزمەتىمەن بايلانىستى دەپ ەسەپتەيدى جانە وزىنە قىسىم كورسەتۋشى الماتى قالاسى اكىمشىلىك پوليتسياسىنىڭ باسشىسى نۇرلان امانبەكتەن كۇدىكتەنەدى. بۇعان دەيىن ول نۇرلان امانبەكتىڭ ۇلىنىڭ تويىنان دەپ جازبا جاريالاعان بولاتىن.

ۇقساس جاڭالىقتار

Back to top button