نۇر-سۇلتاندا «قازاقستان بارىسى» رەسپۋبليكالىق ءتۋرنيرى ءوتىپ جاتىر

بۇگىن ەلوردادا قالا كۇنىنە وراي ۇيىمداستىرىلعان،  «قازاقستان بارىسى» رەسپۋبليكالىق ءتۋرنيرىنىڭ اشىلۋ سالتاناتى ءوتتى دەپ حابارلادى turkystan.kz.

«بارىس ارەنا» مۇز ايدىنىندا ءوتىپ جاتقان اشىلۋ سالتاناتىنا نۇر-سۇلتان قالاسىنىڭ اكىمى التاي كولگىنوۆ، سپورت جانە دەنە شىنىقتىرۋ ىستەرى كوميتەتى توراعاسى سامات ەرعاليەۆ جانە «قازاقتەلەكوم» اق باسقارماسىنىڭ توراعاسى قۋانىشبەك ەسەكەەۆ قاتىسىپ، بالۋاندارعا ساتتىلىك تىلەدى.

التاي كولگىنوۆ

ون ءبىرىنشى رەت ءوتىپ جاتقان ءدۇبىرلى دوداعا 36 بالۋان قاتىسۋدا.

تۋرنير جەڭىمپازىنا 25 ميلليون تەڭگە اقشالاي سىيلىق، التىن بەلبەۋ جانە التىننان قۇيىلعان «تايتۇياق» بەرىلەدى. ال ەكىنشى ورىن يەگەرى 5،5 ميلليون تەڭگە مەن كۇمىس بەلبەۋ، قولا جۇلدەگەر 1،8 ميلليون تەڭگە مەن قولا بەلبەۋگە قول جەتكىزەدى.

نۇر-سۇلتاندا «قازاقستان بارىسى» رەسپۋبليكالىق ءتۋرنيرى ءوتىپ جاتىر

قازاق كۇرەسى ەرەجەسىنە ەنگىزىلگەن وزگەرتۋلەرگە بايلانىستى بيىلعى تۋرنير «بۇك» ۇپايىنسىز وتۋدە.

ەسكە سالساق، ءتۋرنيردى مادەنيەت جانە سپورت مينيسترلىگى جانە نۇر-سۇلتان قالاسى اكىمدىگىنىڭ قولداۋىمەن «Qazaqstan Barysy» قورى مەن Qazaq kuresi اسسوتسياتسياسى ۇيىمداستىرۋدا.

نۇر-سۇلتاندا «قازاقستان بارىسى» رەسپۋبليكالىق ءتۋرنيرى ءوتىپ جاتىر

ۇقساس جاڭالىقتار

Back to top button