3 شىلدەگە ارنالعان اۋا رايى بولجامى

قازگيدرومەت سينوپتيكتەرى 3 شىلدەگە ارنالعان اۋا رايى بولجامىن ۇسىندى دەپ حابارلادى turkystan.kz.

قازاقستاننىڭ سولتۇستىك-باتىسى، سولتۇستىگى، ورتالىعى مەن وڭتۇستىك-شىعىسىندا انتيتسيكلون جوتاسى ىقپالىنان جاۋىن-شاشىنسىز اۋا رايى بولادى. ال ەلىمىزدىڭ قالعان تەرريتورياسىندا اتموسفەرالىق فرونتالدى بولىكتەر تۇراقسىز اۋا رايىن ساقتايتىن بولادى – جاڭبىر، باتىستا قاتتى جاڭبىر جاۋادى، نايزاعاي، جەلدىڭ كۇشەيۋى، داۋىل، باتىستا بۇرشاق، وڭتۇستىگى مەن وڭتۇستىك-باتىستا شاڭدى داۋىل، سولتۇستىكتە تۇندە جانە تاڭەرتەڭ تۇمان كۇتىلەدى.

باتىس قازاقستان وبلىسىنىڭ شىعىسى مەن وڭتۇستىگىندە، اتىراۋ وبلىسىنىڭ باتىسى، سولتۇستىگى مەن شىعىسىندا، كۇندىز اقتوبە وبلىسىنىڭ باتىسى مەن شىعىسىندا قاتتى جاڭبىر كۇتىلەدى.

كۇندىز الماتى، جەتىسۋ، تۇركىستان، ۇلىتاۋ، جامبىل وبلىستارىنىڭ باسىم بولىگىندە قاتتى ىستىق كۇتىلەدى.

قىزىلوردا ​​وبلىسىنىڭ باسىم بولىگىندە، جەتىسۋ وبلىسىنىڭ باتىسىندا، اباي وبلىسىنىڭ باتىسى مەن شىعىسىندا، ۇلىتاۋ وبلىسىنىڭ وڭتۇستىگىندە، قاراعاندى وبلىسىنىڭ وڭتۇستىك-شىعىسىندا، جامبىل وبلىسىنىڭ وڭتۇستىگىندە، پاۆلودار وبلىسىنىڭ ورتالىعىندا، تۇركىستان وبلىسىنىڭ شىعىسىندا توتەنشە ءورت قاۋىپى كۇتىلەدى.

نۇر-سۇلتان قالاسىندا كوشپەلى بۇلتتى، جاۋىن-شاشىنسىز. سولتۇستىك-شىعىستان جەل سوعادى تۇندە 3-8، كۇندىز 7-12 م/س. اۋانىڭ تەمپەراتۋراسى تۇندە 10-12، كۇندىز 25-27 گرادۋس جىلى بولادى.

الماتى قالاسىندا كوشپەلى بۇلتتى، جاۋىن-شاشىنسىز. جەل 2-7 م/س. اۋانىڭ تەمپەراتۋراسى تۇندە 17-19، كۇندىز 32-34 گرادۋس جىلى بولادى.

شىمكەنت قالاسىندا كوشپەلى بۇلتتى، جاۋىن-شاشىنسىز. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، كۇشى 8-13 م/س. اۋانىڭ تەمپەراتۋراسى تۇندە 20-22، كۇندىز 36-38 گرادۋس جىلى بولادى.

ۇقساس جاڭالىقتار

Back to top button