قازاقستان-وزبەكستان شەكاراسىنداعى وتكىزۋ پۋنكتتەرى ۋاقىتشا جابىق

وزبەكستان مەن قازاقستان اراسىنداعى «داۋت-اتا» – «تاجەن» وتكىزۋ پۋنكتىندە ادامداردى، كولىك قۇرالدارى مەن جۇكتەردى وتكىزۋ ۋاقىتشا توقتاتىلدى. بۇل تۋرالى قر ۇقك ءباسپاسوز قىزمەتى ءمالىم ەتتى دەپ حابارلادى turkystan.kz.

«1 شىلدەدەن باستاپ وزبەك ارىپتەستەردەن كەلىپ تۇسكەن اقپاراتقا سايكەس، اقپاراتتىق جۇيەنىڭ ىستەن شىعۋىنا بايلانىستى وزبەكستان مەن قازاقستان اراسىنداعى «داۋت-اتا» – «تاجەن» (اۆتوموبيلدىك) وتكىزۋ پۋنكتىندە ادامداردى، كولىك قۇرالدارى مەن جۇكتەردى وتكىزۋ ۋاقىتشا توقتاتىلدى. وسى اقپارات بويىنشا «قاراقالپاقيا» – «بەينەۋ» باعىتىندا تەمىر جول قاتىناسى توقتاتىلا تۇرۋى مۇمكىن. وسىعان بايلانىستى اتالعان وتكىزۋ پۋنكتتەرى ارقىلى مەملەكەتتىك شەكارادان وتەتىن ازاماتتار ءوز مارشرۋتتارىن الدىن الا جوسپارلاۋىن سۇرايمىز. وزبەك تاراپى وتكىزۋ پۋنكتتەرىنىڭ جۇمىسىن قايتا باستاعانى تۋرالى قوسىمشا حابارلايتىن بولامىز»، – دەلىنگەن ۇقك ءباسپاسوز مالىمدەمەسىندە.

ۇقساس جاڭالىقتار

Back to top button