گولوۆكين «كانەلوعا» قاتىستى پىكىرىن ايتتى

WBA Super، IBF جانە IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكين ساۋل «كانەلو» الۆارەستى مانسابىنداعى ەڭ مىقتى قارسىلاس رەتىندە ەسەپتەمەيتىندىگىن ايتتى دەپ حابارلادى turkystan.kz sports.kz سايتىنا سىلتەمە جاساپ.

«مەنىڭ قارسىلاستارىم اراسىندا چەمپيوندار دا، مىندەتتى ۇمىتكەرلەر دە بولدى. «كانەلونى» ولاردىڭ ەڭ ۇزدىگى دەپ ايتپاس ەدىم. ارينە، ول الدىڭعى قاتارداعى جانە ايتارلىقتاي مىقتى قارسىلاس، دەگەنمەن، وزدەرىڭىز كورىپ وتىرعانداي، ول دا جەڭىلدى… اۋەسقوي بوكستا كاسىپقوي بوكسقا وتپەگەن بىرنەشە قارسىلاسىم بولدى. ولاردىڭ داعدىسى مەن ءادىس-ايلاسى اقىلعا سىيمايتىن. ءۇش راۋندتا سەنىڭ بۇكىل ءستيلىڭدى ءتۇسىنىپ، جەڭىسكە ەشقانداي مۇمكىندىك قالدىرمايتىنداي ايقاساتىن»، – دەدى گەننادي.

ايتا كەتسەك، گولوۆكين مەن «كانەلونىڭ» ءۇشىنشى جەكپە-جەگى 17 قىركۇيەكتە ەكىنشى ورتا سالماقتا وتەدى. كەزدەسۋ لاس-ۆەگاستاعى (نەۆادا، اقش) T-Mobile Arena-دا بولادى.

ەسكە سالساق، 2017 جىلدىڭ قىركۇيەگىندە گولوۆكين مەن «كانەلو» كەزدەسۋى تەڭ اياقتالدى.  2018 جىلدىڭ قىركۇيەگىندە س. الۆارەس تورەشىلەر شەشىمىمەن قازاقستاندىق بوكسشىنى جەڭدى.

ۇقساس جاڭالىقتار

Back to top button