اقسۋداعى ەلەكتر ستانتسياسىندا جۇمىسشى قازا تاپتى

پاۆلودار وبلىسىنداعى اقسۋ ەلەكتر ستانتسياسىنداعى قازاندىق-تۋربينالىق تسەحىندا ءبىر ادام قازا تاپتى دەپ حابارلادى turkystan.kz pavlodarnews.kz سايتىنا سىلتەمە جاساپ.

«ERG Service» جشس ءباسپاسوز قىزمەتىنىڭ مالىمەتىنشە،  30 ماۋسىمدا ساعات 22.03-تە اتالمىش سەرىكتەستىكتىڭ جۇمىسشىسى  كوز جۇمعان.

«قازاندىق جانە شاڭ دايىنداۋ تسەحتارىن جوندەۋ جونىندەگى سلەسار مەحانيزمنىڭ ىشىندە جۇمىس ىستەپ جاتقان. جازاتايىم وقيعا تۋرالى مەملەكەتتىك ورگاندارعا حابارلاندى، تەرگەۋ باستالدى. «ERG Service»  جشس  ۇجىمى مەن باسشىلىعى  مارقۇمنىڭ تۋىستارى مەن جاقىندارىنا  كوڭىل ايتادى»، – دەپ جازىلعان حابارلامادا.

كومپانيا وتباسىنا قاجەتتى كومەك كورسەتەدى.

وبلىستىق دەنساۋلىق ساقتاۋ باسقارماسىندا 30 ماۋسىمدا 103 جەلىسى بويىنشا اقسۋ قالاسى ەەك اق ستانتسياسى مەكەنجايى بويىنشا شاقىرۋ تۇسكەنىن حابارلادى.

«جەدەل جاردەم توعىز مينۋتتا جەتتى.  زارداپ شەككەن ەر ادام – 1985 جىلى تۋعان ماشينيست-قاراۋشى كوز جۇمدى»، – دەيدى باسقارمادا.

ۇقساس جاڭالىقتار

Back to top button