سينوپتيكتەر 2 شىلدەگە ارنالعان اۋا رايى بولجامىن ۇسىندى

سينوپتيكتەر 2 شىلدەگە ارنالعان اۋا رايى بولجامىن ۇسىندى. ەلىمىزدىڭ باسىم بولىگىندە اۋا رايى قۇبىلمالى بولادى.

«2 شىلدەدە كۇندىز قىزىلوردا وبلىسىنىڭ ورتالىعىندا جەل سولتۇستىكتەن، سولتۇستىك-باتىستان سوعادى، كۇشى 15-20 م/س كۇتىلەدى. وبلىستىڭ باسىم بولىگىندە توتەنشە ءورت قاۋپى ساقتالادى»، – دەپ حابارلادى  «قازگيدرومەت» رمك.

سينوپتيكتەر ماڭعىستاۋ وبلىسىنىڭ باسىم بولىگىندە نايزاعاي وينايدى دەپ بولجاۋدا. وبلىستىڭ سولتۇستىك-باتىسىندا، وڭتۇستىگىندە شاڭدى داۋىل كۇتىلەدى. سولتۇستىكتەن، سولتۇستىك-شىعىستان جەل سوعادى.

«بۇگىن باتىس قازاقستان وبلىسىنىڭ سولتۇستىگىندە قاتتى جاڭبىر جاۋادى. كۇندىز وبلىستىڭ سولتۇستىك، ورتالىق بولىگىندە نايزاعاي، بۇرشاق، داۋىل كۇتىلەدى. جەل سولتۇستىك-باتىستان سوعادى، كۇندىز وبلىستىڭ سولتۇستىگىندە، وڭتۇستىگىندە ەكپىنى 15-20 م/س. اباي وبلىسىنىڭ باتىسىندا، وڭتۇستىگىندە، ورتالىعىندا توتەنشە ءورت قاۋپى ساقتالادى. اتىراۋ وبلىسىنىڭ دا سولتۇستىگىندە قاتتى جاڭبىر جاۋى ىقتيمال. وبلىستىڭ سولتۇستىگىندە، شىعىسىندا، وڭتۇستىگىندە نايزاعاي ويناپ، بۇرشاق تۇسەدى، داۋىل بولادى. وبلىستىڭ سولتۇستىگىندە، شىعىسىندا، وڭتۇستىگىندە، سولتۇستىك-باتىستان جەل سوعادى 15-20 م/س»، – دەپ جازدى ۆەدومستۆودان.

كۇندىز 2 شىلدەدە قوستاناي وبلىسىنىڭ سولتۇستىك-شىعىسىندا نايزاعاي وينايدى. سولتۇستىك-شىعىستان جەل سوعادى، كۇندىز وبلىستىڭ سولتۇستىك-شىعىسىندا، وڭتۇستىگىندە 15 م/س. كۇندىز وبلىستىڭ باتىسىندا، سولتۇستىك-باتىسىندا جوعارى قاۋىپتىكتىڭ توتەنشە دەڭگەيى كۇتىلەدى. پاۆلودار وبلىسىنىڭ ورتالىعىندا، وڭتۇستىگىندە توتەنشە ءورت قاۋپى ساقتالادى.

«قازگيدرومەت» ماماندارى 3 شىلدەدە جامبىل وبلىسىنىڭ تاۋلى اۋدانداردا نايزاعاي وينايتىنىن حابارلادى. 2-3 شىلدەدە سولتۇستىك-شىعىستان جەل سوعادى، 2 شىلدەدە تاۋلى اۋدانداردا، 3 شىلدەدە كۇندىز وبلىستىڭ سولتۇستىك-شىعىسىندا، تاۋلى اۋدانداردا 15-20 م/س جەل كۇتىلەدى. 3 شىلدەدە كۇندىز وبلىستىڭ وڭتۇستىگىندە، باتىسىندا 38 گرادۋسقا دەيىن قاتتى ىستىق بولۋى مۇمكىن.

تاراز قالاسىندا وسى كۇنى 38 گرادۋسقا دەيىن قاتتى ىستىق كۇتىلەدى. 1-2 شىلدەدە تۇندە جانە تاڭەرتەڭ سولتۇستىك قازاقستان وبلىسىنىڭ باتىسىنا تۇمان ءتۇسۋى مۇمكىن. سولتۇستىك-باتىستان جەل سوعادى.

ايتا كەتەيىك، قىزىلوردا وبلىسىنىڭ – جالاعاش، ارال، شيەلى، قازالى جانە قارماقشى اۋداندارىندا، ماڭعىستاۋ وبلىسىنىڭ – بەينەۋ جانە ماڭعىستاۋ اۋداندارىندا، اتىراۋ وبلىسىنىڭ – ماحامبەت، جىلىوي، قۇرمانعازى جانە بالىقشى اۋداندارىندا شىلدە ايىنىڭ ءبىرىنشى ونكۇندىگىندە اتموسفەرالىق قۇرعاقشىلىق كۇتىلۋدە.

 

ۇقساس جاڭالىقتار

Back to top button