ماقتاارال تۇرعىنى اۋلاسىنان ادام سۇيەگىن تاۋىپ الدى

جەرگىلىكتى تۇرعىن اۋلاسىنان اجەتحانا قازىپ جاتقاندا بەلگىسىز ادامنىڭ باس سۇيەگى شىققان دەپ حابارلادى turkystan.kz.   

بۇل تۋرالى ماقتاارال اۋداندىق پوليتسيا بولىمىنە جەرگىلىكتى تۇرعىن حابار بەرگەن.

وقيعا ورنىنا جەدەل جەتكەن پوليتسەيلەر 1،5 مەتر تەرەڭدىكتەن تابىلعان ادامنىڭ باس سۇيەگى مەن ۇساق سۇيەكتەرىن الىپ، ساراپتاما تاعايىندادى.

«اتالعان جايت قر قك-ءنىڭ 001-بابىمەن تىركەۋگە الىندى. وسى بويىنشا اۋىل ۇلكەندەرى مەن جالپى تۇرعىنداردان ءمان-جايدى سۇراستىردىق. ءوز كەزەگىندە بىرنەشە تۇرعىن بۇل جەر وسىدان شامامەن 50-80 جىل الدىن مازارات بولعاندىعىن كورسەتتى. قازىرگى تاڭدا ۋچاسكەلىك پوليتسيا ينسپەكتورلارى جەرگىلىكتى تۇرعىندارعا قوسىمشا ءتۇسىندىرۋ جۇمىستارىن جۇرگىزىپ جاتىر»، – دەلىنگەن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.

ۇقساس جاڭالىقتار

Back to top button