الماتىدا زاڭسىز سالىنعان تۇرعىن ءۇيدى ءسۇرۋ جۇمىستارى باستالدى

الماتىدا زاڭسىز سالىنعان تۇرعىن ءۇي كەشەنىن ءسۇرۋ باستالدى دەپ حابارلادى turkystan.kz.  

الماتى قالاسىنىڭ اكىمى ەربولات دوساەۆتىڭ تاپسىرماسىنا سايكەس، شۇعىلا شاعىناۋدانىنداعى بايتەلى باتىر كوشەسى، 24 مەكەنجايىندا زاڭسىز تۇرعىزىلعان 12 قاباتتى تۇرعىن ءۇيدى بۇزۋ ماسەلەسى كوتەرىلگەن بولاتىن.

ناتيجەسىندە، قالا قۇرىلىسىن باقىلاۋ باسقارماسىنىڭ تالاپ ارىزى قاناعاتتاندىرىلىپ، الماتى سوتى اتالعان نىساندى بۇزۋ تۋرالى شەشىم شىعاردى. سوت شەشىمى 1 شىلدەدە كۇشىنە ەندى.

ايتا كەتسەك، بۇعان دەيىن قالا قۇرىلىسىن باقىلاۋ باسقارماسى نىساندا تەكسەرۋ جۇرگىزىپ، ساۋلەت، قالا قۇرىلىسى جانە قۇرىلىس قىزمەتى سالاسىندا بىرقاتار زاڭبۇزۋشىلىقتى انىقتاعان ەدى. قۇرىلىس سالۋشىعا قاتىستى اكىمشىلىك حاتتاما تولتىرىلىپ، ەسكەرتۋلەردى جويۋ تۋرالى ۇيعارىم شىعارىلدى.

ۇقساس جاڭالىقتار

Back to top button