ەكىباستۇزدا جالعان پوليتسەيلەر تۇرعىنداردىڭ اتىنا كرەديت راسىمدەگەن

پاۆلودار وبلىسىنىڭ ەكىباستۇز قالاسىندا پوليتسيا قىزمەتكەرلەرىنىڭ اتىن جامىلىپ الاياقتىق جاسادى دەگەن كۇدىكپەن 3 ادام ۇستالدى دەپ حابارلادى turkystan.kz Polisia.kz سايتىنا سىلتەمە جاساپ.

ولاردىڭ ءبىرى – توناۋ قىلمىسى ءۇشىن بۇرىن سوتتالعان پاۆلودار قالاسىنىڭ تۇرعىنى.

كۇدىكتىلەر كەلەسى سحەما بويىنشا ارەكەت ەتكەن: كوشەدەگى ازاماتتارعا وزدەرىن پوليتسيا قىزمەتكەرى رەتىندە تانىستىرىپ، قۇجات تەكسەرىپ ءجۇرمىز دەپ الداعان. ءارى قاراي ولار بانك قوسىمشالارىندا سايكەستەندىرۋدەن ءوتىپ، ازاماتتارعا تاۋارلىق نەمەسە قولما-قول كرەديت رەسىمدەگەن.

«قازىرگى ۋاقىتتا كۇدىكتىلەردىڭ پاۆلودار، ەكىباستۇز، اقسۋ قالالارىندا 8 فاكتىگە قاتىسى بار ەكەنى انىقتالدى. سونداي-اق ۇستالعانداردان پوليتسيا قىزمەتكەرىنىڭ جالعان قىزمەتتىك كۋالىگى تاركىلەندى»، – دەدى پاۆلودار وبلىسى پد باستىعى ۆاسيلي سكليار.

وسى فاكتىلەر بويىنشا قازاقستان قىلمىستىق كودەكسىنىڭ 190-بابى (الاياقتىق) جانە 390-بابىنىڭ 2-بولىگى بويىنشا سوتقا دەيىنگى تەرگەۋ جۇرگىزىلىپ جاتىر.

ۇقساس جاڭالىقتار

Back to top button