«قوندىرعى جۇمىسشىلاردى تۋراپ تاستاعان»: جامبىلداعى كومبيناتتا ەكى جۇمىسشى قازا تاپتى

جامبىل وبلىسىنداعى كاسىپورىندا قايعىلى جاعداي. ەكى جۇمىسشىنى فوسفور ۇنتاقتايتىن قوندىرعى تۋراپ تاستاعان دەپ حابارلادى turkystan.kz  كتك ارناسىنا سىلتەمە جاساپ.

سۇمدىق وقيعا «قازفوسفات» سەرىكتەستىگىنىڭ سارىسۋ اۋدانىنداعى بولىمشەسىندە بولدى. «قاراتاۋ كەن ءوندىرۋ» كومبيناتىنداعى فوسفور ۇنتاقتايتىن قوندىرعىنى جوندەۋ كەزىندە ول ىسكە قوسىلىپ كەتكەن. ىشىندە بەس ادام بولىپتى. 35 جانە 28 جاستاعى ەكى جۇمىسشى سول جەردە جان تاپسىردى.

بەيرەسمي مالىمەتتەرگە سۇيەنسەك، قۇرىلعى ەكەۋىنىڭ دەنەسىن كەسكىلەپ، بولشەكتەپ تاستاعان. قازا تاپقاندار دانەكەرلەۋشى جانە سلەسار بولىپ جۇمىس ىستەگەن ەكەن. وزگە ءۇش ادام جەڭىل جاراقات العان. قازىر وسى دەرەك بويىنشا ءىس قوزعالىپ، تەرگەۋ باستالدى.

ۇقساس جاڭالىقتار

Back to top button