ەلوردادا شەتەلدىكتەر مەديتسينالىق تەكسەرۋدەن قالاي وتەدى؟

قازىرگى كەزدە باس قالامىزدا شەتەل ازاماتتارىنىڭ، كورشىلەس رەسەي مەملەكەتىنەن كوشىپ-كەلۋشىلەردىڭ قاتارى ارتقان. ولاردىڭ باسىم بولىگى – ەلورداعا تۋريست رەتىندە، ال كەيبىرەۋلەرى جۇمىس ىزدەپ كەلگەندەر.

شەت ەلدەن كەلگەن ازاماتتاردىڭ ءبارى مەديتسينالىق تەكسەرۋدەن وتۋگە مىندەتتەلگەن. ولار ەلورداداعى بىرقاتار ەمحانادا قازاقستان رەسپۋبليكاسىندا تۇرۋعا ىقتيارحات الۋ ءۇشىن مەديتسينالىق تەكسەرىستەن وتە الادى. بۇل انىقتاما ەلىمىزدىڭ اۋماعىندا ۋاقىتشا نەمەسە ەركىن ءجۇرىپ-تۇرۋعا رۇقسات الۋ ماقساتىندا جانە قر ازاماتتىعىن الۋعا نيەت بىلدىرگەندەر ءۇشىن رەسىمدەلەدى.

ەلورداداعى №1 قالالىق ەمحانانىڭ اقىلى قىزمەت كورسەتۋ ءبولىمىنىڭ مەڭگەرۋشىسى گ. تۋرالينوۆا اتالعان مەكەمەنىڭ شەتەلدىك ازاماتتارعا مەديتسينالىق كۋالاندىرۋ ناتيجەلەرىن بەرەتىن مەديتسينالىق ۇيىمدار اراسىندا العاشقىلاردىڭ ءبىرى ەكەنىن ايتادى.

«مەديتسينالىق كۋالاندىرۋ ەرىكتى تۇردە جانە اقىلى نەگىزدە قامتاماسىز ەتىلەدى. ازاماتتاردىڭ ماقساتتارى ءتۇرلى جانە مىندەتتى تۇردە ەڭبەك قىزمەتىمەن بايلانىستى بولماۋى مۇمكىن. ءبىزدىڭ مەكەمەدە پاتسيەنتتەردى قابىلداۋ دۇيسەنبىدەن جۇماعا دەيىن ساعات 8.00-دەن 16.00-گە دەيىن جۇرگىزىلەدى. ال انىقتامانىڭ قۇنى 3 700 تەڭگەنى قۇرايدى. ادەتتە، باسقا مەديتسينالىق ۇيىمدارداعى شىعىندار ءوز قالاۋى بويىنشا بەلگىلەنەدى»، ­– دەيدى گ.تۋرالينوۆا.

شەتەلدىك تۇلعاعا جۇگىنۋ كەزىندە تولقۇجات (جسن)، كوشى-قون كارتاسىن نەمەسە جۇمىستىڭ رۇقسات قاعازىن ۇسىنۋ قاجەت. ەمحانانىڭ تىركەۋ ورنىندا پاتسيەنتتىڭ مەديتسينالىق كارتاسى تولتىرىلادى جانە مەديتسينالىق كوميسسيادان وتۋگە مەديتسينالىق بلانك بەرىلەدى. انىقتاما 1 كۇنتىزبەلىك اي بويى جارامدى.

ايتا كەتسەك، تولىق اقپارات الۋ جانە ەمحاناعا جازىلۋ ءۇشىن نۇر-سۇلتان قالاسىنىڭ №1 قالالىق ەمحاناسىنىڭ CALL ورتالىعىنا (8 7172 39 99 78) حابارلاسۋعا بولادى.

 

ۇقساس جاڭالىقتار

Back to top button