توقاەۆ قازاقستان ءميتروپوليتى الەكساندردى قابىلدادى

مەملەكەت باسشىسى قاسىم-جومارت توقاەۆ استانا جانە قازاقستان ءميتروپوليتى الەكساندردى قابىلدادى دەپ حابارلادى turkystan.kz اقورداعا سىلتەمە جاساپ.

كەزدەسۋدە قاسىم-جومارت توقاەۆ پراۆوسلاۆ شىركەۋىنىڭ قازاقستاندا  بىرلىك پەن كەلىسىمدى نىعايتۋعا قوسقان ۇلەسىن جوعارى باعالاپ، ءدىن سالاسىنداعى مەملەكەتتىك ساياسات ماسەلەلەرىنە توقتالدى.

توقاەۆ قازاقستان ءميتروپوليتى الەكساندردى قابىلدادى

مەملەكەت باسشىسى قازاقستان ميتروپوليتتىك ايماعىنىڭ ەتنوسارالىق جانە كونفەسسياارالىق ديالوگتى دامىتۋ، ادامگەرشىلىك قۇندىلىقتاردى ىلگەرىلەتۋ جولىندا اۋقىمدى جۇمىس اتقارىپ جاتقانىن اتاپ ءوتتى.

پرەزيدەنت قىركۇيەك ايىندا الەمدىك جانە ءداستۇرلى دىندەر كوشباسشىلارىنىڭ VII سەزى وتەتىنىن ايتتى. ونىڭ باستى تاقىرىبى – ادامزاتتىڭ پاندەميادان كەيىنگى كەزەڭدەگى رۋحاني جانە الەۋمەتتىك دامۋىندا ءدىني كوشباسشىلاردىڭ اتقاراتىن ءرولى. قاسىم-جومارت توقاەۆ پاتريارح كيريللدىڭ اتالعان فورۋمعا قاتىسۋى جاھاندىق دىنارالىق جانە وركەنيەتارالىق ديالوگقا تىڭ سەرپىن بەرەتىنىنە سەنىم ءبىلدىردى.

ءوز كەزەگىندە ميتروپوليت الەكساندر مەملەكەت باسشىسىنا كەزدەسۋگە مۇمكىندىك بەرگەنى ءۇشىن العىس ءبىلدىرىپ، قازاقستان حالقىنىڭ يگىلىگى جولىنداعى جاڭعىرۋعا باعىتتالعان جاسامپاز رەفورمالاردى قولدايتىنىن جەتكىزدى.

Back to top button