شىمكەنتتە لرت جانە برت سالىنباقشى

ورتالىق كوممۋنيكاتسيالار قىزمەتىندە وتكەن بريفينگىدە شىمكەنت قالاسىنىڭ اكىمى مۇرات ايتەنوۆ شىمكەنتتىڭ باس جوسپارىنا لرت جانە برت قۇرىلىسى ەنگىزىلىپ وتىرعانىن ايتتى دەپ حابارلادى turkystan.kz.

شىمكەنت قالاسى باس جوسپارىنىڭ 2012 جىلدان بەرى وزگەرمەگەندىگىن ايتقان قالا اكىمى جاڭا وزگەرىس جاسالىپ جاتقاندىعىن جەتكىزدى.

«ءبىزدىڭ قالانىڭ باس جوسپارى 2012 جىلى بەكىتىلگەن. ول كەزدە وبلىستىق قالا بولدى. بۇگىن رەسپۋبليكالىق قالا. حالىقتىڭ سانى 500 بولسا، قازىر 1 ملن-نان اسىپ كەتتى. سول ءۇشىن حالىقتىڭ ءوسۋ ديناميكاسىنا بايلانىستى وزگەرىستەر ەنگىزىلىپ جاتىر»، – دەدى ايتەنوۆ.

سونداي-اق، ول جاڭا باس جوسپارعا لرت جانە برت قۇرىلىسى ەنگىزىلىپ وتىرعاندىعىن مالىمدەدى.

«وتكەن اپتادان باستاپ 1 ايعا دەيىن قالا تۇرعىندارىنىڭ ۇسىنىسىن قابىلداۋ باستالدى. سول جەردە لرت مەن برت سالۋ تۋرالى ۇسىنىستار كەلىپ جاتىر. ەسپەرتتەردىڭ ۇسىنىسىمەن ميلليوندىق قالاعا 6 التەرناتيۆتى ترانسپورت كەرەك. برت-نى ارنايى جولمەن قولدانۋعا بولادى. لرت جۇيەسى شەڭبەر بولىپ سىزىلىپ جاتىر. ونى ىسكە قوسۋ بارىسىن ۇكىمەتپەن اقىلداسىپ جۇرگىزەمىز. ۇلكەن جوبالاردى ينۆەستورلارمەن بىرگە ەنگىزەتىن بولامىز»، – دەدى ول.

ۇقساس جاڭالىقتار

Back to top button