شقو-دا ايۋلار مال مەن ومارتاعا شابۋىل جاساپ جاتىر

شقو-دا ايۋلار ءۇي شارۋاشىلىعىنا شابۋىل جاسايتىن جاعداي جيىلەپ كەتكەن دەپ حابارلادى turkystan.kz «حابار 24» تەلەارناسىنا سىلتەمە جاساپ.

تەلەارنا مالىمەتىنشە، ايماقتا ايۋلاردىڭ پوپۋلياتسياسى ءوسىپ جاتىر. مامانداردىڭ ەسەبى بويىنشا، وبلىستا 3021 ايۋ بار. ماۋسىم ايىندا ايۋلار ستەپنوي اۋىلى ماڭىنداعى ومارتالاردى ءتورت رەت قيراتقان، توپيحا اۋىلىندا دا وسىنداي جاعداي بولعان. ساراپشىلار بۇل جاس جانۋارلار ەكەنىن، ولار شامامەن ءبىر جاسار ەكەنىن انىقتاعان.

مامانداردىڭ ايتۋىنشا، ايۋلار ءبىر جەردەن تاماق الۋدى ادەتكە اينالدىرسا، ولاردى ول جەردەن الاستاۋ وتە قيىن ەكەن. سوندىقتان زارداپ شەككەن شىعىسقازاقستاندىقتار مۇلكى ءۇشىن عانا ەمەس، وزدەرىنىڭ قاۋىپسىزدىگى ءۇشىن دە الاڭداپ وتىر.

تۇرعىندار جانۋاردى ولتىرسە، زاڭ بويىنشا جازالاناتىنىنا بايلانىستى «ولارعا قارسى تۇرا المايمىز با؟» دەپ الاڭدايدى.

«بۇل – قىلمىستىق جاۋاپكەرشىلىك. قازىر ومارتاشىلار دا، قالعاندارى دا قورعانسىز. ياعني، ولار امەريكاداعى سياقتى، ءوز مەنشىگىن قورعاپ، ايۋدى، ءتىپتى باسقا جانۋاردى ولتىرۋگە قۇقىعى جوق»، – دەدى وسكەمەن ورمان شارۋاشىلىعىنىڭ اڭشىسى سەرگەي وسينتسەۆ.

ۇقساس جاڭالىقتار

Back to top button