«پاتەر الىپ بەرەمىن»: 19 ادامدى الداعان الاياق ۇستالدى

5-6 ماۋسىمدا اككى الاياققا الدانعان 19 قىزىلوردالىق تۇرعىن پوليتسياعا شاعىم ءتۇسىردى دەپ حابارلادى turkystan.kz.

ارىزدا ولار 2021 جىلدان بەرى ءبىر ازاماتشا سەنىمدەرىنە كىرىپ، «مەملەكەتتىك باعدارلامامەن پاتەر الىپ بەرەمىن» دەپ 20 ملن تەڭگەدەن استام اقشالارىن الداپ العانىن كورسەتكەن. الايدا، ول وسى ۋاقىتقا دەيىن ۋادەسىن ورىنداماي، اقشالارىن دا قايتارماعان. باسقارما قىزمەتكەرلەرى جان-جاقتى تەكسەرۋ جۇمىستارىن جۇرگىزدى.

ناتيجەسىندە، قالا تۇرعىندارىن سان سوقتىرعان 32 جاستاعى كۇدىكتى ازاماتشا ۇستالدى.

«اتالعان دەرەك بويىنشا قىلمىستىق كودەكستىڭ 190-بابىنىڭ 3-بولىگى 1،3،4-تارماعىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە»، – دەدى ءىىم ءباسپاسوز قىزمەتى.

ايتا كەتسەك، جىل باسىنان بەرى قىزىلوردا قالاسىندا 322 الاياقتىق دەرەگى تىركەلگەن.

ۇقساس جاڭالىقتار

Back to top button