قاڭتار قاقتىعىسى: قاماۋدا وتىرعان كۇدىكتىلەر سانى بەلگىلى بولدى

قاڭتار وقيعاسىنا قاتىستى 514 كۇدىكتى ادام قاماۋدا وتىر. بۇل تۋرالى باس پروكۋراتۋرا 1-قىزمەت باستىعىنىڭ ورىنباسارى ەلدوس قيلىمجانوۆ ايتتى دەپ حابارلادى turkystan.kz قازاقپاراتقا سىلتەمە جاساپ.

«جالپى، قاڭتار وقيعاسى بويىنشا، سوتقا 392 قىلمىستىق ءىس جولدانىپ، ول بويىنشا 445 ادام سوتتالدى. بيلىك وكىلدەرىنە قارسى كۇش قولدانىپ، م ۇلىكتەردى جويۋعا بايلانىستى اۋىر قىلمىستى جاساعان، زالالدى وتەمەگەن جانە وتەلمەگەن سوتتىلىعى بار 46 سوتتالۋشى باس بوستاندىعىنان ايىرۋدىڭ ناقتى مەرزىمىنە سوتتالدى. قازىرگى ۋاقىتتا 514 كۇدىكتى قاماۋدا»، – دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ ايتۋىنشا، اتالعان ادامدار قيراتۋعا، عيماراتتاردى ورتەۋگە، اتىس قارۋلارىن جىمقىرۋعا، مەملەكەتتىك وبەكتىلەرگە جانە قۇرىلىمدىق كۇش قىزمەتكەرلەرىنە شابۋىلعا بەلسەندى تۇردە قاتىسقان.

ءاربىر قاماۋعا الىنعان ادامنىڭ قىلمىسقا قاتىسى بار-جوعى جونىندە جەتكىلىكتى مالىمەتتەر بار. ولاردىڭ بارىنە قورعالۋ قۇقىعى، سانيتارلىق نورمالار، تاماقتانۋ، ءدارى-دارمەك جانە ۇستاۋدىڭ ءتيىستى جاعدايلارى قامتاماسىز ەتىلگەن.

«جەكە باسىن، دەنساۋلىق جاعدايىن جانە باسقا دا ءمان-جايدى ەسكەرە وتىرىپ، 284 ادامنىڭ قاماۋدا ۇستاۋ شاراسى ەشقايدا كەتپەۋ تۋرالى قولحاتقا، كەپىلگە، ۇيقاماققا جانە جەكە كەپىلگەرلىككە اۋىستىرىلدى»، – دەدى باس پروكۋراتۋرا وكىلى.

ۇقساس جاڭالىقتار

Back to top button