ەرەيمەنتاۋدا ءبىز بىلمەيتىن قانداي بالبال تاستار بار؟

گەرالديكالىق زەرتتەۋلەر ورتالىعى ەرەيمەنتاۋداعى بالبال تاستارعا ەكسكۋرسيا ۇيىمداستىردى دەپ حابارلادى turkystan.kz.

كونەدەن قالعان تاريحي ەسكەرتكىشتەردى كوپشىلىككە ناسيحاتتاۋ، قازاق گەرالديكاسىنىڭ ارعى-بەرگى تاريحىن ءبىلۋ ماقساتىندا ۇيىمداستىرىلعان رۋحاني-تانىمدىق ساپار ەرەيمەنتاۋ اۋدانىنا قاراستى قاراعايلى اۋىلىندا ءوتتى. ەكسكۋرسياعا قاتىسۋشىلاردى اۋدان اكىمى اباي ەلامان ۇلى ارنايى قارسى الدى. ول ەرەيمەنتاۋ تاريحىن ناسيحاتتاۋدا بۇل ساپاردىڭ ماڭىزدىلىعىنا توقتالىپ، قاتىسۋشىلارعا ريزاشىلىعىن ءبىلدىردى.

ەلوردادان بارعان قوناقتار ەتنوگراف ماناپ بەكتاس ۇلى، اۋداندىق ءماسليحات حاتشىسى مەدەۋ ەربول ۇلىمەن بىرگە VI-VII عاسىرلارداعى تۇركى قاعاناتىنا ءتان «قوس باتىر كەشەنى»، «قاراعايلى-1»، «قاراعايلى-2» تاس ەسكەرتكىشتەرى مەن «مۇرتتى» قورعاندى تاماشالادى.

ەرەيمەنتاۋدا ءبىز بىلمەيتىن قانداي بالبال تاستار بار؟

اقمولانىڭ جىلاندى تاۋ جوتاسى ەتەگىنەن 2009 جىلى تابىلعان بۇل قورىمدار تاريح عىلىمىنىڭ دوكتورى، تۇركىتانۋشى ايمان دوسىمباەۆانىڭ جەتەكشىلىگىمەن قازىلىپ، ءالى دە جان-جاقتى زەرتتەلىپ كەلەدى.

قۇماي وزەنىنىڭ سول جاعالاۋىنداعى 3-7 شاقىرىم اۋماقتا جاتقاندىقتارىنا بايلانىستى مۇنداعى قورىمدار عىلىمي اينالىمعا دا وسى اتاۋمەن ەنگەن. ال ونىڭ قۇرامىندا «قوس باتىر» تاس ءمۇسىندى تۇركىلىك قورشاۋى، قولا داۋىرىنە ءتان بەيىت، «قاراعايلى -1»، «قاراعايلى-2»، «قاراعايلى-3» تاس قورشاۋلارى، قولا داۋىرىنە ءتان «قاراعايلى-4» قورىمى، «مۇرتتى»، «بالىقتى-1» قورعاندارى، ەجەلگى قونىستىڭ ورنى مەن تاس مۇسىندەر، سونداي-اق ورتاعاسىرلىق جەرلەۋ قۇرىلىمدارى سەكىلدى اسا قۇندى  ەسكەرتكىش-جادىگەرلەر بار.

ياعني، قورىمداردى توپىراقتان ارشىپ، عىلىمي-زەرتتەۋ جۇمىستارىن جۇرگىزۋ بارىسى بۇلاردىڭ ارقايسىسى ءبىزدىڭ ارعى بابالارىمىزدىڭ ءومىر ءسۇرۋ سالتىنان، ولاردىڭ جەتكەن وركەنيەتىنەن ماعلۇمات بەرەتىن، اسا قۇندى دەرەكتى دايەكتەردىڭ كورنەكتى جيىنتىعى ەكەنىن كورسەتەدى.

ەرەيمەنتاۋدا ءبىز بىلمەيتىن قانداي بالبال تاستار بار؟

ساپار اياسىندا قاتىسۋشىلار  مەملەكەتتىك رامىزدەر مەن گەرالديكالىق بەلگىلەردى ناسيحاتتاۋ جانە ولاردى قولدانۋدىڭ نورماتيۆتىك-قۇقىقتىق جۇيەسىن باقىلاۋ ماقساتىندا ەرەيمەنتاۋ اۋداندىق جەرگىلىكتى باسقارۋ ورگاندارى قىزمەتكەرلەرىمەن كەزدەسۋ وتكىزدى.

«ەل رامىزدەرى – ەركىندىك نىشانى» اتتى كەزدەسۋگە بەلگىلى ساۋلەتشى، ەلتاڭبا اۆتورى، پروفەسسور جانداربەك مالىبەك ۇلى، گەرالديكالىق زەرتتەۋلەر ورتالىعى ديرەكتورى اسىلبەك بايجۇما ۇلى، ەرەيمەنتاۋ اۋدانى اكىمى اباي ەلامان ۇلى، اۋداندىق ءماسليحات حاتشىسى، دەپۋتات مەدەۋ ەربول ۇلى، اۋداندىق ارداگەرلەر ۇيىمىنىڭ توراعاسى تولەگەن ءاجىباي ۇلى، اۋداندىق مادەنيەت ءۇيى باسشىسى سايلاۋ قابىكەن ۇلى، تاريحشى، ەتنوگراف ماناپ بەكتاس ۇلى سياقتى اۋداننىڭ زيالى قاۋىم وكىلدەرى مەن جۋرناليستەر قاتىستى.

ەرەيمەنتاۋدا ءبىز بىلمەيتىن قانداي بالبال تاستار بار؟

ەرەيمەن ەلى تاريحىمەن تەرەڭ تانىسۋ ءۇشىن شاراعا قاتىسۋشىلار قالا ەسكەرتكىشتەرى «باتىرلار اللەياسى» مەن بوگەنباي باتىر اتىنداعى اۋداندىق ولكەتانۋ مۇراجايىنا دا ات باسىن تىرەدى.

Back to top button