قاراعاندىدا جول اپاتىنان 2 ادام قازا تاۋىپ، 7 بالا زارداپ شەكتى (ۆيدەو)

قاراعاندى وبلىسىنىڭ نۇرا كەنتىنىڭ ماڭىندا جول اپاتى بولدى. ەكى كولىك سوقتىعىسىپ، ەكى جۇرگىزۋشى دە مەرت بولدى، جەتى بالا زارداپ شەكتى دەپ حابارلادى turkystan.kz.  

جول اپاتى 28 ماۋسىم كۇنى ساعات 21.45-تە بولعان. نۇرا اۋىلىنان 4 شاقىرىم جەردە «جاراسپاي-نۇرا» اۆتوجولىندا ەكى اۆتوكولىك سوقتىعىسقان. پوليتسيا دەپارتامەنتىندە حابارلاعانداي، Honda Odyssey  اۆتوكولىگىنىڭ 58 جاستاعى جۇرگىزۋشىسى ءرولدى باسقارا الماي، قارسى جولاققا شىعىپ كەتىپ، 25 جاستاعى جۇرگىزۋشىنىڭ باسقارۋىنداعى Volkswagen Golf اۆتوكولىگىمەن سوقتىعىسقان.

قاراعاندىدا جول اپاتىنان 2 ادام قازا تاۋىپ، 7 بالا زارداپ شەكتى (ۆيدەو)

«وقيعا ورنىندا Honda Odyssey اۆتوكولىگىنىڭ جۇرگىزۋشىسى كوز جۇمدى. Volkswagen Golf اۆتوكولىگىنىڭ جۇرگىزۋشىسى مەديتسينالىق مەكەمەدە قايتىس بولدى»، – دەپ حابارلادى قاراعاندى وبلىسى پد ءباسپاسوز قىزمەتى.

سونداي-اق، جول اپاتىنان Volkswagen Golf اۆتوكولىگىنىڭ جولاۋشىلارى زارداپ شەكتى. 37 جانە 33 جاستاعى ەرلى-زايىپتى جانە ولاردىڭ 11، 8، 7، 6، 5 جانە 2 جاستاعى بالالارى، سونداي-اق 19 جاستاعى ايەلدىڭ ءىنىسى مەديتسينالىق مەكەمەگە جەتكىزىلدى.

فاكت پوليتسيادا تىركەلىپ، ءتيىستى ساراپتامالار تاعايىندالدى، ولاردىڭ ناتيجەسى بويىنشا پروتسەسسۋالدىق شەشىم قابىلداناتىن بولادى.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت كاراگاندا | نوۆوستي | دوروگي (@dorogi_karagandy)

ۇقساس جاڭالىقتار

Back to top button