«دەنەسى ءالى تابىلمادى»: اقسۋداعى قايعىلى وقيعاعا قاتىستى ۆيدەو جاريالاندى

الەۋمەتتىك جەلىدە تۇركىستان وبلىسى تولەبي اۋدانىنداعى قايعىلى وقيعادان بىرنەشە مينۋت بۇرىن تۇسىرىلگەن ۆيدەو تارادى دەپ حابارلادى turkystan.kz  otyrar.kz-كە سىلتەمە جاساپ.

ۆيدەودا شىمكەنت مەديتسينا اكادەمياسىندا وقيتىن شەتەلدىك ستۋدەنتتەر ءان ايتىپ، بي بيلەپ جاتقاندا دوستارى سۋعا كەتىپ قالادى-اۋ دەپ كۇدىكتەنبەگەنى كورىنىپ تۇر. ءبىر توپ جاس جىگىتتىڭ اقسۋ شاتقالىنداعى وزەندە كوڭىل كوتەرىپ، ءۇندى اۋەنىنە بيلەپ جاتقانى انىق كورىنەدى. سول مەزەتتە دوستارىن اعىس الىپ كەتكەنىن بايقاماي قالعان.

جاس جىگىت اعىسقا قارسى جۇزۋگە تىرىسقان. بىراق قاتتى اعىس ونى ودان ءارى يىرىمگە تارتىپ كەتەدى. سۋعا باتىپ بارا جاتقان ستۋدەنتتى بايقاعان دوستار قول ۇستاسىپ، كومەكتەسۋگە تىرىسادى. وسىدان كەيىن ۆيدەو ۇزىلەدى.

قايعىلى وقيعا 26 ماۋسىم كۇنى ساعات 16.00 شاماسىندا بولعان. شىمكەنتتەگى مەديتسينالىق اكادەميادا ءبىلىم العان ءۇندىستاننان كەلگەن ەكى ستۋدەنت اقسۋ شاتقالىندا سۋعا اعىپ كەتتى.

ەكى ستۋدەنتتىڭ دەنەسى ءالى تابىلمادى. توتەنشە جاعدايلار دەپارتامەنتىنىڭ قىزمەتكەرلەرى مەن سۇڭگۋىرلەردىڭ جۇمىسىنا اقسۋ شاتقالىنىڭ تەرەڭدىگى، وزەننىڭ وتكەل بەرمەيتىندىگى قيىندىق تۋدىرىپ جاتىر.

ۇقساس جاڭالىقتار

Back to top button