تۇرعىنداردى تەگىن ەمدەيتىن پويىز جولعا شىقتى

بۇگىن «سالاماتتى قازاقستان» مامانداندىرىلعان مەديتسينالىق پويىزى جەتىسۋ وبلىسىنىڭ تۇرعىندارىن اينابۇلاق ستانتسياسىندا قابىلداي باستادى دەپ حابارلادى turkystan.kz.

پويىز 1-2 شىلدە ارالىعىندا كوكسۋ، 3-4 شىلدە ەگىنسۋ، 5-6 شىلدە بەسكول، 7-8 شىلدە جايپاق، 9-10 شىلدە دوستىق ستانتسيالارىنا بارادى. مەديتسينالىق پويىزدىڭ تاجىريبەلى ماماندارى جەرگىلىكتى تۇرعىندارعا ارنايى ۆاگونداردا تەگىن مەديتسينالىق كومەك كورسەتەدى.

كونسۋلتاتسيالىق-دياگنوستيكالىق پويىزدىڭ ماماندارى 853 تۇرعىندى، ونىڭ ىشىندە 115 بالا، 738 ەرەسەكتى تەكسەردى، ال دارىگەرگە قارالعانداردىڭ جالپى سانى – 853.

مەديتسينا قىزمەتكەرلەرى مۇمكىندىگىنشە كوپ پاتسيەنت قابىلداۋعا، ولاردى تەكسەرۋگە، ءارى ەمدەۋگە جانە قاجەت بولعان جاعدايدا اۋداندىق نەمەسە وبلىستىق اۋرۋحانالارعا جىبەرۋگە تىرىسادى.

ەڭ كوپ ءوتىنىش جپد، تەراپەۆت دارىگەرىنە كەلىپ ءتۇستى: 636 پاتسيەنت، بۇدان ءارى وفتالمولوگ جانە قۇلاق دارىگەرىنە – 585 پاتسيەنت، سونداي-اق حيرۋرگ – 296 پاتسيەنت. مەديتسينالىق پويىزدىڭ كابينەتتەرىندە بارلىعى 395 ەكگ، 432 ۋدز جانە 224 فليۋوروگرافيا پروتسەدۋرالارى جۇرگىزىلدى. سونداي-اق 111 كىشىگىرىم حيرۋرگيالىق وپەراتسيا جاسالدى.

تۇرعىنداردى تەگىن ەمدەيتىن پويىز جولعا شىقتى

جوعارى ساناتتى وفتالمولوگ دارىگەر ساكەن جازيت ۇلى جوباعا ءبىرىنشى جىل قاتىسىپ جاتقان جوق.

«2019 جىلى مەنى «جاردەم» مەديتسينالىق پويىزىنىڭ دارىگەرلەرى قۇرامىندا جۇمىس ىستەۋگە ارىپتەستەرىم شاقىردى. سول كەزدە ءبىز قازاقستاننىڭ وڭتۇستىك وڭىرلەرىن ءجۇرىپ وتتىك. مەن وندا كورۋ قابىلەتى ناشارلاعان كوپ ادامعا كومەكتەستىم. بۇل ساپار اياقتالعان سوڭ، ءبىز گلاۋكوما جانە كاتاراكتا سياقتى اۋرۋلاردى ەرتە كەزەڭدەردە انىقتاپ، حيرۋرگيالىق جولمەن ەمدەۋ جانە كورۋ قابىلەتىن جاقسارتۋدىڭ ماڭىزدىلىعىن تۇسىندىك. ماعان مەديتسينالىق پويىزداعى جۇمىس تاجىريبەسى ۇنايدى، ويتكەنى بۇل وفتالمولوگياداعى كوپتەگەن زياندى اۋرۋدىڭ الدىن الىپ، ونى ەمدەۋدە ۇلكەن پايدا اكەلەدى»، – دەپ مەديتسينالىق پويىزداعى جۇمىسىنان العان اسەرىمەن ءبولىستى وفتالمولوگ.

 

تۇرعىنداردى تەگىن ەمدەيتىن پويىز جولعا شىقتىالماتى تۇرعىندارى مەديتسينالىق پويىزدىڭ قىزمەتكەرلەرىنە تەگىن كومەك كورسەتكەنى ءۇشىن العىس ءبىلدىردى.

«ادامدارعا كومەكتەسەتىن وسىنداي جوبا ءۇشىن ۇلكەن راقمەت. مەن كورشىلەرىمنەن مەديتسينالىق پويىزدىڭ كەلگەنىن جانە دەنساۋلىعىمدى تەكسەرتۋگە مۇمكىندىك بار ەكەنىن ەستىدىم. مەديتسينالىق پويىزدا ءوز زەرتحاناسى مەن جۇرەكتىڭ ۋدز-سى، ياعني ءبىز ءۇشىن ەڭ قاجەتتىنىڭ ءبارى بار ەكەن»، – دەدى بايسەركە اۋىلىنىڭ تۇرعىنى ورالحان سامەنساليەۆا.

«سالاماتتى قازاقستان» مەديتسينالىق پويىزى  جەتىسۋ وبلىسىنان كەيىن شىعىس قازاقستان، اباي، پاۆلودار، اقمولا، سولتۇستىك قازاقستان، قوستاناي، قاراعاندى جانە ۇلىتاۋ وبلىستارىنىڭ ستانتسياسى بويىنشا باعىتىن جالعاستىرادى.

ەستەرىڭىزگە سالا كەتەيىك، «جاردەم» مەديتسينالىق پويىزى 23 مامىردا جولعا شىعىپ، الدىمەن ماڭعىستاۋ وبلىسىنا باردى. قازىر پويىز اقتوبە وبلىسىندا، وندا 22 شىلدەگە دەيىن تۇرادى.

تۇرعىنداردى تەگىن ەمدەيتىن پويىز جولعا شىقتى

جالپى، «سالاماتتى قازاقستان» مەديتسينالىق پويىزىمەن بىرگە ولار ەلىمىزدىڭ شالعاي اۋداندارىنداعى 147 ستانتسيانى قامتيدى. ەكى مەديتسينالىق پويىزدىڭ قوزعالىس كەستەسى تۋرالى ناقتى اقپاراتتى جوبانىڭ www.medpoezd.kz رەسمي سايتىنان نەمەسە 8 7172 60 45 94، 8 701 206 15 40 نومىرلەرى بويىنشا، سونداي-اق @medpoezd.kz  Instagram پاراقشاسىنان بىلۋگە بولادى.

 

 

ۇقساس جاڭالىقتار

Back to top button