اباي وبلىسى اكىمىنىڭ العاشقى جۇمىس ساپارى اباي اۋدانىنان باستالدى

ءوڭىر باسشىسى «اباي-شاكارىم» مەموريالدىق كەشەنىنە، ۇلى ابايدىڭ مۇراجاي ۇيىنە باردى دەپ حابارلادى turkystan.kz.
قاراۋىل اۋىلىندا نۇرلان ۇرانحاەۆ «اباي» ساياباعىن، «شىڭعىستاۋ» سپورت كەشەنىن ارالاپ، تۇرعىن ۇيلەر قۇرىلىسىنىڭ بارىسىمەن تانىستى.
سونداي-اق جۇمىس ساپاردىڭ نەگىزگى نۇكتەلەرىنىڭ ءبىرى بورىلىدەگى م. اۋەزوۆتىڭ مۇراجاي-ۇيىندە بولدى. مۇراجاي ءۇيىنىڭ ەكسپوزيتسياسى ۇلى جازۋشىنىڭ ءومىرى مەن شىعارماشىلىعىنان سىر شەرتەدى. 2015 جانە 2020 جىلدارى مۇندا كۇردەلى جوندەۋ جۇمىستارى جۇرگىزىلدى. بۇگىنگى تاڭدا مۇراجايعا مەملەكەتتىك ماڭىزى بار ەسكەرتكىش مارتەبەسى بەرىلدى. ءوڭىر باسشىسى بيىل مۇحتار اۋەزوۆتىڭ 125 جىلدىق مەرەيتويىن مەرەكەلەۋدىڭ ماڭىزدىلىعىن اتاپ ءوتتى.

اباي وبلىسى اكىمىنىڭ العاشقى جۇمىس ساپارى اباي اۋدانىنان باستالدى
ساپار اياسىندا نۇرلان ۇرانحاەۆ جەرگىلىكتى تۇرعىندارمەن كەزدەسىپ، ولاردىڭ سۇراقتارىنا جاۋاپ بەردى.
«وسىندا كەلەردىڭ الدىندا، جولدا بورىلىگە سوقتىم. ول جەردە نەگىزگى جولعا قوسىلاتىن 4 شاقىرىم جولدى كوتەرۋ قاجەت. سول سياقتى، وسىدان 62 جىل بۇرىن سالىنعان «ەڭلىك-كەبەك» ەسكەرتكىشى دە ۋاقىت تالابىنا ساي جوندەۋدەن ءوتۋى قاجەت دەپ ويلايمىن. اقشوقىعا باراتىن 21 شاقىرىم جولدىڭ جاعدايىن بىلەسىزدەر»، — دەدى نۇرلان ۇرانحاەۆ.
اباي وبلىسى اكىمىنىڭ العاشقى جۇمىس ساپارى اباي اۋدانىنان باستالدى

وبلىس اكىمى جول ماسەلەسىنە دە توقتالىپ ءوتتى.
“قوناقتارىمىزدى قاسيەتتى قورىمعا قارا جولمەن اپارعان دۇرىس ەمەس. ول جەرگە دە اسفالت توسەلۋى كەرەك. جالپى، مەنىڭ ويىمشا، كەلەشەكتە سەمەي مەن قاراۋىلدىڭ اراسىندا ۇلكەن ءتورت جولاقتى داڭعىل جول بولۋى كەرەك. بۇل جەرگىلىكتى حالىققا دا، تۋريستەرگە دە، جالپى، بارىس-كەلىسكە وتە ىڭعايلى بولادى دەپ ەسەپتەيمىن”، — دەپ اتاپ ءوتتى.

اباي وبلىسى اكىمىنىڭ العاشقى جۇمىس ساپارى اباي اۋدانىنان باستالدى

نۇرلان ۇرانحاەۆتىڭ ايتۋىنشا، قىزىلوردا وبلىسى جاڭا وبلىستىڭ قۇرىلۋىن قولداۋ ماقساتىندا اباي وڭىرىنە سىيلىق جاساۋعا دايىن ەكەنىن ايتتى. ايماق باسشىسى وسى ماقساتتا بىردەن اباي اۋدانىن ۇسىندى. جەرگىلىكتى تۇرعىندارمەن بولعان پەرسپەكتيۆالاردى تالقىلاعاننان كەيىن، قىزىلوردالىقتاردان بۇرىن قاراۋسىز قالعان بالالار لاگەرىنىڭ قالپىنا كەلتىرۋ جۇمىستارى سىيلىق بولۋى مۇمكىن ەكەنىن اتاپ ءوتتى.

اباي وبلىسى اكىمىنىڭ العاشقى جۇمىس ساپارى اباي اۋدانىنان باستالدى

وبلىس اكىمى اباي اۋدانىن ۇزاق جىلدار باسقارعان جانە اۋداننىڭ دامۋى مەن گۇلدەنۋىنە ەلەۋلى ۇلەس قوسقان حافيز ماتاەۆتىڭ قۇرمەتىنە ارنالعان مەموريالدىق تاقتانىڭ اشىلۋ راسىمىنە قاتىستى.

ۇقساس جاڭالىقتار

Back to top button