سقو-دا ەلەكتر قالقانىن شىعاراتىن زاۋىت سالىنادى

سولتۇستىك قازاقستان وبلىسىنىڭ اكىمى قۇمار اقساقالوۆ وڭىردە ەلەكتر قالقانىن شىعاراتىن زاۋىت سالىناتىنىن ءمالىم ەتتى دەپ حابارلادى turkystan.kz.

«وسىعان دەيىنگى ءباسپاسوز ءماسليحاتىندا مەن ەلەكتر قالقانىن شىعاراتىن زاۋىت جوباسى تۋرالى ايتقان ەدىم. قازىر اتالعان جاڭا كاسىپورىن ءوندىرىس اينالىمىن كەڭەيتە باستادى. بيىل 4 مىڭ ترانسفورماتور شىعارۋ جوسپارلانعان. كەيىن ءوندىرىس قۋاتىن جىلىنا 13 مىڭ داناعا دەيىن جەتكىزۋ كوزدەلىپ وتىر. جىل سوڭىنا دەيىن جونداعى جۇمىسشىلار سانى 200-گە جەتسە، كەيىن 350-گە دەيىن بارادى. بۇدان بولەك ينۆەستور ەلەكتر قالقانىن شىعاراتىن زاۋىت سالماقشى. ول ءۇشىن 7 ملرد تەڭگە ينۆەستيتسيا تارتپاقشى»، – دەدى قۇمار اقساقالوۆ.

اكىم «قىزىلجار» ارنايى ەكونوميكالىق ايماعىنىڭ الەۋەتىنە دە توقتالدى. ايتۋىنشا، بيىل بۇل ايماقتا دسپ-تاقتايلارىن شىعاراتىن زاۋىت سالىنباق. سونداي-اق، بولاتتان قاڭىلتىر ءوندىرۋ جوسپارلانىپ وتىر.

«جالپى، ونەركاسىپ سالاسىندا احۋال جاعىمدى. بەس جىل ىشىندە سالاداعى جالپى ىشكى ءونىم 1،8 ەسە ءوسىپ، 198 ملرد تەڭگەدەن 365 ملرد تەڭگەگە ارتتى. ال 2022 جىلى 410 ملرد تەڭگەگە جەتكىزەمىز»، – دەدى اكىم.

ۇقساس جاڭالىقتار

Back to top button