گولوۆكين ۋكرايناداعى جاعداي تۋرالى پىكىر ءبىلدىردى

WBA جانە IBF تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكين ۋكرايناداعى جاعدايعا قاتىستى پىكىرىن ايتتى دەپ حابارلادى turkystan.kz fightnews.info سايتىنا سىلتەمە جاساپ.

باسىلىمىنىڭ جازۋىنشا، گەنادي بولىپ جاتقان جاعدايدى «جاھاندىق تراگەديا» دەپ ايتقان.

«بۇل – قايعىلى جاعداي. قازىرگى بولىپ جاتقاننىڭ ءبارى – جاھاندىق تراگەديا. مەن وعان ءسال باسقاشا كوزقاراسپەن قارايمىن، بىراق بۇل مەنىڭ اقتالۋىم ەمەس. تاعى دا قايتالايمىن، بۇل – جاھاندىق تراگەديا. سىرتقى كوزقاراس مەنىڭ ويىمدى وزگەرتپەيدى. ەگەر كىنالىلەر بولسا، مىندەتتى تۇردە جاۋاپكەرشىلىككە تارتىلار ەدى. بۇل تۋرالى ايتۋ ماعان قيىن. مەن مۇنداي جاھاندىق سۇراقتارعا جاۋاپ بەرەتىن ساياساتتانۋشى ەمەسپىن، – دەدى گەننادي گولوۆكين ءباسپاسوز كونفەرەنتسياسىندا.

سونداي-اق، گولوۆكين ءوزىنىڭ «كانەلومەن» ءۇشىنشى جەكپە-جەگى ءتورت جىل بۇرىن وتكەن بولسا، قىزىعىراق بولاتىنىن اتاپ ءوتتى.

ايتا كەتسەك، 17 قىركۇيەكتە گولوۆكين مەن كانەلونىڭ ءۇشىنشى جەكپە-جەگى لاس-ۆەگاستا (اقش، نەۆادا) T-Mobile ارەناسىندا وتەدى.

تاعى وقي وتىرىڭىز: گەننادي گولوۆكين جانكۇيەرلەرىنە ۇندەۋ جاسادى (ۆيدەو)

ۇقساس جاڭالىقتار

Back to top button