Мәжіліс Спикері Ерлан Қошанов Қазақстанның Тұңғыш Президенті Нұрсұлтан Назарбаевтың Елбасы мәртебесі қашан алынып тасталатынын айтты деп хабарлады turkystan.kz.
«Біз бұл мәселені күзден бастап қараймыз. Жыл соңына дейін қабылдануы керек. Президент алдымызға осындай міндет қойды», – деді Қошанов Мәжілістің пленарлық отырысынан кейін.
Ерлан Қошановтың айтуынша, Әділет министрлігінде Конституцияға және өзге де заңдарға өзгеріс енгізу бойынша жұмыс тобы құрылған. Қазір өзгерістер бойынша Әділет министрлігі жұмыс істеп жатыр, ал құжаттар әлі Мәжіліске түспеген.