تەرى مەن ءجۇن ەكسپورتىنا سالىناتىن كەدەندىك باج سالىعىن الىپ تاستاۋ ۇسىنىلدى

پارلامەنت ءماجىلىسىنىڭ دەپۋتاتى سىرىم ەرتاەۆ پرەمەر-ءمينيستردىڭ ورىنباسارى رومان سكليارعا ءتورت ت ۇلىك مالدىڭ ءجۇن-تەرىسىنە قاتىستى ساۋال جولدادى دەپ حابارلادى turkystan.kz.

دەپۋتات ءوز ساۋالىندا حالىقپەن كەزدەسۋ بارىسىندا اۋىلدىق جەرلەردە  ءتورت ت ۇلىك  مالدىڭ  تەرىسىن وڭدەۋگە ەشقانداي مۇمكىندىك جوق ەكەنىنە كوز جەتكىزگەنىن ايتتى.

«ەلىمىزدەگى ءتورت ت ۇلىكتىڭ تەرىسى مەن جۇنىنە كەلسەك، 2021 جىلى جىلقى 130 مىڭ باس،ءىرى قارا مالى  1 ميلليون، ۇساق مال ەشكى مەن قوي 1،5 ميلليون  باس سويىلعان»، – دەدى دەپۋتات.

ونىڭ مالىمەتىنشە، بيىل جارتى جىلدا 60 مىڭ باسقا جۋىق جىلقى، 350 مىڭ ءىرى قارا، 550 مىڭ  ۇساق مال سويىلعان. سونداي-اق وسى جىلدىڭ باسىنان باستاپ، جىلقى تەرىلەرىن ەكسپورتتاۋ مۇلدەم بولماعان. وتاندىق تەرى وڭدەۋشىلەرى دە وڭدەمەگەن. ال ءىرى قارا مالىنىنىڭ  66500  دانا  تەرى ەكسپورتقا كەتكەن.

ەرتاەۆتىڭ زەرتتەۋىنشە، ۇساق مال – ەشكى مەن قوي تەرىلەرى ەكسپورتكا مۇلدەم شىقپاعان جانە  وڭدەلمەگەن. سوندىقتان حالىق اماسىزدان اۋىل ماڭىنداعى كۇل-قوقىسقا تاستاۋعا ءماجبۇر ايتىپ، ول ماسەلەنىڭ شەشۋ جولدارىن ۇسىندى.

«قازىرگى تاڭدا ءبىزدىڭ ەل تەرى ءونىمىن ءشىرىتىپ جاتىر. سەبەبى تەرى مەن ءجۇندى ەكسپورتتاۋعا كەدەندىك باج سالىعى قويىلعان. ياعني تەرىنى شەتەلگە ساتاتىن بولساڭ،  200€ تونناسىنا تولەيسىن،  ياعني 100 مىڭ تەنگە. سوندىقتان تەرىنى شەتەلگە شىعارۋ ءتيىمسىز بولىپ وتىر.  ولار باسقا  ەلدەردەن نارىعىن تاۋىپ الدى. كەدەندىك باج سالىقتى الىپ تاستاپ، شەتەلدىك نارىقتى قايتا تابۋ كەرەكسىزدەر

ال جۇنگە كەلەتىن بولساق ، وندا دا  10 %  باج سالىعى بار.

مىسالىعا، 1 ميلليون $ ءجۇن السا، 100 مىڭ $ تولەۋ كەرەك بولادى. مۇنداي سالىقتان كەيىن  قانداي ەل ءبىزدىڭ  ءتورت ت ۇلىك مالدىڭ ءجۇن-تەرىسىن الادى؟  تەرى ءجۇندى كەدەندىك باج سالىعىن الىپ تاستاۋ ءۇشىن بىرقاتار مينيسترلىك وكىلدەرىمەن حابارلاسىپ وسى ماسەلە بويىنشا سويلەسكەندە، بارلىعى  دۇرىس دەپ  كەلىسەدى جانە  ۆەدومستۆوارالىق كوميسسيا دا  تالقىلانىپ جاتىر دەپ جاۋاپ بەرەدى.  بىراق بۇل ۇلكەن پروبلەمانى  سىزدەر تالقىلاپ جاتقاندا ەكولوگيانىڭ تاس تالقانى شىعىپ جاتىر»، – دەپ ۇسىنىس ايتتى دەپۋتات.

سونىمەن قاتار ول تەرى وڭدەۋ زاۆودتارعا پايىزسىز نەسيە بەرىپ، اۋىل حالقىن دا جۇمىسپەن قامتۋعا بولاتىنىن جەتكىزدى.

«1 جىلدا 1 ميلليون قوي سويىلادى سونى 500 تەنگەدەن تەرىسىن الىپ قابىلدايتىن بولسا،  500 ميلليون بولادى. سوندا اۋىلعا قارجى كىرە باستايدى، حالىق جۇمىسپەن قامتىلادى. تابيعاتىمىزدى قورعايمىز ەڭ باستىسى. تەرى وڭدەيتىن زاۆودتارعا پايىزسىز نەسيە بەرىپ، باسەكەلەستىككە شىدايتىنداي ولارعا اينالىمعا قارجى بەرۋ كەرەك. وسىلايشا  قارجى بەرۋ  ارقىلى  قولداۋ  كەرەك!»، – دەدى ەرتاەۆ.

ۇقساس جاڭالىقتار

Back to top button