ەكولوگيالىق قۇقىق بۇزۋشىلىقتار ءۇشىن جاۋاپكەرشىلىك كۇشەيتىلمەك

ءماجىلىستىڭ جالپى وتىرىسىندا «قازاقستان رەسپۋبليكاسىنىڭ قىلمىستىق جانە قىلمىستىق-پروتسەستىك كودەكستەرىنە ەكولوگيالىق قۇقىق بۇزۋشىلىقتار ءۇشىن جاۋاپكەرشىلىكتى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى دەپ حابارلادى turkystan.kz.

ءماجىلىس دەپۋتاتى عالىمجان ەلەۋوۆ بۇل سالادا قۇقىق بۇزعان ازاماتتاردى قىلمىستىق جəنە əكىمشىلىك جاۋاپقا تارتۋ ءتəرتىبىن قاتايتۋ قاجەتتىگىن اتاپ ءوتتى.

«قارالاتىن زاڭ جوبالارى: جەردى ءبۇلدىرۋ، اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ، جەر قويناۋىن ءوز بەتىنشە پايدالانۋ، ەرەكشە قورعالاتىن تابيعي اۋماقتاردىڭ رەجيمىن بۇزۋ، ورمان فاۋناسىن جويۋ نەمەسە ءبۇلدىرۋ، سونداي-اق ورماندى قالدىقتارمەن، حيميالىق زاتتارمەن ءبۇلدiرۋ، لاستاۋ جانە ورمان قورىنىڭ جەرلەرiنە وزگە دە زالال كەلتiرۋ، اعاش كەسىلگەن جەرلەردى كەسىلگەن اعاش قالدىقتارىنان ۋاقتىلى تازارتپاۋ، ورمان سوقپاقتارى مەن كەسپەاعاش ايماعىنا ىرگەلەس اۋماقتاردى قوقىستاۋ ءۇشىن جاۋاپكەرشىلىك دەڭگەيىن ارتتىرۋعا باعىتتالعان»، – دەدى ەلەۋوۆ.

دەپۋتاتتىڭ ايتۋىنشا، بۇل زاڭ جوبالارىن قابىلداۋ ەكولوگيالىق سالادا قىلمىستىق جانە اكىمشىلىك قۇقىق بۇزۋشىلىقتاردى جاساۋعا ىقپال ەتەتىن سەبەپتەر مەن شارتتاردىڭ ارەكەتىن بەيتاراپتاندىرۋعا، قىلمىستىق جانە اكىمشىلىك قۇقىق بۇزۋشىلىقتاردىڭ الدىن الۋعا ىقپال ەتۋگە، تەرىس قىلىق ساناتىنان قىلمىس ساناتىنا اۋىستىرۋ جانە قۇقىق بۇزۋشىلىقتى جاساعانى ءۇشىن جاۋاپكەرشىلىكتى قاتاڭداتۋ ارقىلى ەرەكشە قورعالاتىن تابيعي ايماقتاردىڭ اۋماعىندا ءتيىستى قىزمەت تۇرلەرىن ىسكە اسىراتىن تۇلعالاردىڭ جاۋاپكەرشىلىك دەڭگەيىن ارتتىرۋعا مۇمكىندىك بەرەدى.

ۇقساس جاڭالىقتار

Back to top button