مينيسترلىك اتۋعا رۇقسات ەتىلگەن اڭداردىڭ سانىن جاريالادى

قازاقستاندا اڭداردى اتۋ ءليميتى بەكىتىلدى. ەكولوگيا، گەولوگيا جانە تابيعي رەسۋرستار ءمينيسترى 10 ماۋسىمدا بۇيرىققا قول قويدى دەپ حابارلادى turkystan.kz stan.kz سايتىنا سىلتەمە جاساپ.

قۇجاتقا سايكەس، اڭ اۋلاۋ كەزىندە، 2022 جىلدىڭ 1 شىلدەسىنەن 2023 جىلدىڭ 15 اقپانىنا دەيىن 15 124 قابان، 1110 مارال جانە 11 185 ءسىبىر ەلىگىن اتۋعا بولادى.

سونداي-اق، اتۋعا ارنالعان ليميت جانۋارلاردىڭ باسقا تۇرلەرى بويىنشا بەكىتىلگەن.

اتالعان كەزەڭدە 515 قارساق، 1 347 تاۋ ەشكىسى، 150 قوڭىر ايۋ، 126 سىلەۋسىن، 509 جانات ءتارىزدى يت، 13 904 كورساك، 57 764 تۇلكى، 15 132 بورسىق، 10 297 اق تىشقان، 109 148 ونداتر، 391 322 قويان، 304 430 سۋىر، 254 مىڭ قاز، 886 مىڭ ۇيرەك، 52 758 قۇر، 87 489 قىرعاۋىل، 111 338 كەكىلىك جانە 132 904 كوگەرشىن اتۋعا رۇقسات بەرىلدى.

ءار ايماقتا اڭ اۋلاۋعا ءوز شەكتەۋى بەلگىلەنگەن. بۇيرىق ءالى كۇشىنە ەنگەن جوق.

Back to top button