كوكشەتاۋدا سوت عيماراتتارىنا «بومبا قويىلعانى» تۋرالى حابارلاما ءتۇستى

كوكشەتاۋدا وبلىستىڭ قىلمىستىق ىستەر جونىندەگى مامانداندىرىلعان اۋدانارالىق سوتى مەن قالالىق سوتتىڭ عيماراتتارىنا جارىلعىش زات قويىلعانى تۋرالى ەكى حابارلاما ءتۇستى  دەپ حابارلادى turkystan.kz.

اقپاراتتى اقمولا وبلىسى پوليتسيا دەپارتامەنتىنىڭ ءباسپاسوز قىزمەتى راستادى.

پوليتسيا مالىمەتىنشە، جارىلعىش زات تۋرالى حابارلاما 10 مينۋت ايىرماشىلىقپەن تۇسكەن.

«ادامدار ەۆاكۋاتسيالاندى، عيمارات تەكسەرىلدى، قۇرىلعىلار تابىلعان جوق»، – دەدى پوليتسەيلەر.

پد وكىلى ەكى دەرەك بويىنشا دا قىلمىستىق ءىس قوزعالاتىنىن ايتتى.

جەلىدە وقيعا ورنىنان ۆيدەو پايدا بولدى. 716.kz اقپاراتتىق پورتالى مالىمەتىنشە، قىلمىستىق سوت قىزمەتكەرلەرىنىڭ ءبىرى جۇمىسقا كەلىپ، پوشتانى تەكسەرىپ، سوت عيماراتىنا جارىلعىش زات سالىنعانى جازىلعان حات تاپقانىن ايتقان. ول دەرەۋ پوليتسيا شاقىرعان.

ۇقساس جاڭالىقتار

Back to top button