قازاقستان سەريالدارىن سينگاپۋر، رەسەي، تۇركيا، وزبەكستان، قىرعىزستان ەلدەرى ساتىپ الدى

ۇكىمەت وتىرىسىندا اقپارات جانە قوعامدىق دامۋ ءمينيسترى اسقار وماروۆ 5 جىلدا مەملەكەتتىڭ قولداۋىمەن 250-گە جۋىق سەريال تۇسىرىلگەنىن ايتتى دەپ حابارلادى turkystan.kz.

«2021 جىلى 166 تەلەارنانىڭ توپ-10-نا 6 قازاقستاندىق تەلەارنا، ونىڭ ىشىندە 3 مەملەكەتتىك تەلەارنا كىردى. سوڭعى 5 جىلدا مەملەكەتتىڭ قولداۋىمەن 3500-دەن استام سەريادان تۇراتىن 250-گە جۋىق سەريال ءتۇسىرىلدى. ولاردىڭ 50-دەن استامى سينگاپۋر، رەسەي، تۇركيا، وزبەكستان، قىرعىزستان جانە تاعى باسقا ەلدەرگە ساتىلدى»، – دەدى مينيستر.

وماروۆتىڭ ايتۋىنشا، مەملەكەتتىك تەلەارنالار الەۋمەتتىك جەلىلەردە اقپاراتتى ىلگەرىلەتۋ بويىنشا دا بەلسەندى جۇمىس جۇرگىزىپ جاتىر.

«ماسەلەن، قازىر «حابار» جانە «قازاقستان» تەلەارنالارىنىڭ YouTube ارنالارى وقىرمان سانى ميلليوننان اسقان كەزدە بەرىلەتىن «التىن باتىرما» ماراپاتىنىڭ يەگەرلەرى»، – دەدى اسقار وماروۆ.

ۇقساس جاڭالىقتار

Back to top button