ۇلىبريتانيا رەسەي التىنىن يمپورتتاۋعا تىيىم سالۋى مۇمكىن

ۇلىبريتانيا ماسكەۋگە ونداعان ملرد دوللار كىرىس اكەلىپ وتىرعان رەسەي التىنىن يمپورتتاۋعا تىيىم سالماقشى، دەپ حابارلادى turkystan.kz  قازاقپاراتقا سىلتەمە جاساپ.

لوندون التىن ساۋداسىنىڭ ءىرى الەمدىك ورتالىعى بولعاندىقتان، ۇلىبريتانيا ۇكىمەتى بۇل قادام پۋتين اكىمشىلىگىنىڭ قاراجات تارتۋ قابىلەتىنە ۇلكەن ىقپال ەتەدى دەپ مالىمدەدى.

ۇلىبريتانيا پرەمەر-ءمينيسترى بوريس دجونسون ءپۋتيننىڭ قارجىلاندىرۋ رەجيمىن الىپ تاستاۋ كەرەك دەدى. بۇل شەكتەۋ شارالارى شامامەن 13،5 ميلليارد فۋنت ستەرلينگ كولەمىندە رەسەي ەكسپورتىنا اسەر ەتەدى.

2021 جىلى التىن ەكسپورتى رەسەي قازىناسىنا 12،6 ميلليارد فۋنت ستەرلينگ (15،4 ميلليارد دوللار) پايدا اكەلگەن.

بۇل تىيىم جاقىن ارادا كۇشىنە ەنەدى جانە زاڭ جوباسى الداعى اپتادا پارلامەنتكە ەنگىزىلەدى. ول جاڭادان الىنعان نەمەسە تازارتىلعان التىنعا قولدانىلادى. بۇعان دەيىن رەسەيدەن ەكسپورتتالعان قىمبات مەتالعا اسەر ەتپەيدى. گەرمانيا، فرانتسيا جانە يتاليا سياقتى G7 باسقا ەلدەرى دە تىيىمعا قوسىلۋى مۇمكىن.

ۇقساس جاڭالىقتار

Back to top button