«قازاقستانىما مىندەتتى تۇردە كەلەمىن» - كەوسايان

رەسەيلىك رەجيسسەر جانە تەلەجۇرگىزۋشى تيگران كەوسايان قازاقستانعا كىرۋىنە تىيىم سالىنعانىنان حاباردار ەكەنىن جەتكىزىپ، اتالعان ماسەلە بويىنشا از-كەم تۇسىنىكتەمە بەردى دەپ حابارلادى turkystan.kz orda.kz سايتىنا سىلتەمە جاساپ. 

رەسەيلىك تەلەجۇرگىزۋشى تيگران كەوسايان الداعى ۋاقىتتا قازاقستانعا كەلۋگە ۋادە بەردى.

«مەن بۇعان ءازىل رەتىندە قارايمىن. ءيا، راس، مۇمكىن مەن ولاردىڭ اشۋلارىنا تيگەن شىعارمىن. بىراق مەن ءوز جۇمىسىمدى دۇرىس اتقاردىم. الداعى ۋاقىتتا مىندەتتى تۇردە قازاقستانعا بارامىن. ول ءۇشىن سول ەلدىڭ بيلىگىنەن رۇقسات سۇرامايمىن»، – دەدى كەوسايان.

ەسكە سالساق، 24 ماۋسىم كۇنى وتاندىق باق كەوساياننىڭ لاڭكەستەرمەن ءبىر تىزىمگە ەنگىزىلگەنىن حابارلاعان بولاتىن. بۇعان دەيىن كەوسايان تەلەباعدارلامالاردىڭ بىرىندە قازاقستانعا ءتىل تيگىزىپ، اشىق سويلەگەن ەدى. ءبىر قىزىعى، ول – «روسسيا سەگودنيا» حالىقارالىق اقپارات اگەنتتىگىنىڭ باس رەداكتورى مارگاريتا سيمونياننىڭ كۇيەۋى.

27 ساۋىردە قر سىرتقى ىستەر مينيسترلىگى رەسەيلىك ارانداتۋشىنىڭ ايتقان سوزىنە تۇسىنىكتەمە بەرە وتىرىپ، ونى قازاقستانعا كىرۋگە تىيىم سالىناتىن ادامداردىڭ تىزىمىنە ەنگىزۋ ىقتيمالدىعى تۋرالى ايتتى.

ۇقساس جاڭالىقتار

Back to top button