قاراعاندى - جەزقازعان پويىزى ەر ادامدى قاعىپ كەتتى

وقىس وقيعا ۇلىتاۋ وبلىسىنىڭ جاڭاارقا اۋدانىندا اتاسۋ اۋىلىنىڭ ماڭىندا بولعان دەپ حابارلادى turkystan.kz.
جۇرگىزۋشى شۇعىل تەجەۋىشتى باسقان، بىراق كەش بولدى. پويىز بەن ادام اراسىنداعى قاشىقتىق تىم قىسقا ەدى.

«پاتريوت» Telegram كانالىنىڭ مالىمەتىنشە، قايتىس بولعان ادامنىڭ جاڭاارقا اۋدانىنىڭ تۇرعىنى ەكەنى بەلگىلى بولدى. ونىڭ نەلىكتەن رەلسكە شىققانىن تەرگەۋ انىقتايدى. وقيعا ورنىندا جەلىلىك پوليتسيا باسقارماسىنىڭ تەرگەۋ-جەدەل توبىنىڭ قىزمەتكەرلەرى جۇمىس ىستەپ جاتىر. ول وسىنداي شەشىمگە ادەيى بارعان بولۋى مۇمكىن.

«قازاقستان تەمىر جولى» ۇلتتىق كومپانياسى پويىزدى كەنەت توقتاتۋ مۇمكىن ەمەس ەكەنىن ەسكە سالادى. ساعاتىنا 80 شاقىرىم جىلدامدىقپەن كەلە جاتقان پويىز از ۋاقىتتا توقتاي المايدى. اۆاريالىق تەجەۋ كەزىندە پويىزدىڭ تەجەۋ قاشىقتىعى كەمىندە 900 مەتر بولادى.

ۇقساس جاڭالىقتار

Back to top button