«قۇداي ءۇش رەت ەسكەرتتى»: سايات مەدەۋوۆ جول اپاتىنان كەيىن سۇحبات بەردى

سايات مەدەۋوۆ جول اپاتىنان كەيىن العاش رەت KYN Youtube ارناسىنا سۇحبات بەرىپ، قازىرگى جاعدايى تۋرالى ايتتى دەپ حابارلادى turkystan.kz.     

بۇگىندە ءانشىنىڭ دەنساۋلىعى قالىپتى.

«…ۋاقىت كەرەك. قۇدايعا مىڭ شۇكىر، كوپتىڭ تىلەۋى قابىل بولدى. مەنىڭ باسىما ءىس تۇسكەندە اماندىعىمدى تىلەگەن كوپشىلىككە راقمەت. جالپى، مەن بۇل جاعدايدى قۇدايدان كورە المايمىن. جول اپاتىن قۇدايدىڭ سالعانى، باسقا تۇسكەسىن كونەتىن جايت دەپ تە ايتپايمىن. بۇعان ءوزىمىز كىنالىمىز. ويتكەنى،  قۇداي بىزگە ءبىر ەمەس، ءۇش رەت ەسكەرتتى.

جيەن اعاممەن بىرگە جولعا شىققان ەدىم. ەكى رەت ودان ءرولدى سۇرادىم. بەرمەدى. كەيىن ءۇشىنشى رەت جول بويىنا توقتاپ، ۇيىقتاپ الۋدى ەسكەرتتىم. ول توقتايتىنىن ايتقان، سول ارالىقتا كوزىم ءىلىنىپ كەتىپتى. كەيىن ەسىمدى جيعاندا اپاتقا ۇشىراعان ەكەنبىز. دەمەك، ول جول جيەگىنە توقتاپ، دەمالماعان. سونىڭ سالدارىنان كوزى ءىلىنىپ، وسىنداي جول اپاتىنا دۋشار بولدىق. بۇل قۇدايدىڭ سالعانى ەمەس، بۇل – ءبىزدىڭ اقىماقتىعىمىز. قۇداي قايتا-قايتا ەسكەرتتى. ەسىمدى جيعان بويدا: «نەگە توقتامادىڭ؟ بىرەۋگە كەسىرىمىز ءتيدى عوي”، – دەدىم جيەنىمە. بار ويىم وسى بولدى. قۋانىشقا قاراي، قارسى بەتتەگى كولىكتىڭ ىشىندە ءبىر عانا جىگىت بولعان ەكەن، ءدىن امان. سوعان شەكسىز شۇكىرلىك ەتەمىن. جول اپاتىنان ەكى اياعىم، قولىم، ءۇش قابىرعام سىندى. كوزىمە اينەكتەر تولىپ قالىپتى، قوس جانارىم اشىلماي قالعان. دارىگەرلەر تازالاپ بەردى، قازىر كوزىم جاقسى كورەدى. قاسىم ءتۇسىپ قالىپ ەدى، ءوستى»، – دەدى ءانشى.

سايات مەدەۋوۆ اقپان ايىنىڭ اياعىندا اۋىر جول اپاتىنا ۇشىراپ، جانساقتاۋ بولىمىنە تۇسكەن ەدى.

ۇقساس جاڭالىقتار

Back to top button