بقو-دا اۋىل اكىمى جول اپاتىنان قايتىس بولدى

بقو-دا تاۋ اۋىلدىق وكرۋگىنىڭ اكىمى نۇرلىبەك تورەشوۆ جول اپاتىنان قازا تاپتى دەپ حابارلادى turkystan.kz.

بقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە، جول اپاتى 23 ماۋسىمدا ساعات 1:50-دە جانىبەك-تالوۆ تاس جولىنىڭ 25-شاقىرىمىندا، تاۋ اۋىلىنىڭ ماڭىندا بولعان.

«Volkswagen Polo جۇرگىزۋشىسى ءرولدى باسقارا الماي، كولىك شۇڭقىرعا قۇلاپ كەتتى. سالوندا ءبىر ادام بولعان. ول العان جاراقاتتارىنان وقيعا ورنىندا قازا تاپتى. مارقۇمنىڭ دەنەسى سوت-مەديتسينالىق ساراپتاماعا جىبەرىلدى»، – دەدى ۆەدومستۆو وكىلى.

مارقۇم تاۋ اۋىلدىق وكرۋگىنىڭ اكىمى بولىپ جۇمىس ىستەگەن. 34 جاستاعى نۇرلىبەك تورەشوۆتىڭ ارتىندا ايەلى مەن ءتورت بالاسى قالدى.

وقيعاعا قاتىستى قر قىلمىستىق كودەكسىنىڭ 345-بابى 3-بولىگى «جول قوزعالىسى ەرەجەلەرىن بۇزۋ» بويىنشا سوتالدى تەرگەۋ جۇرگىزىلىپ جاتىر.

ۇقساس جاڭالىقتار

Back to top button