سەمەيلىك ازامات ءوز ۇيىندە مينا جاسىرعان

وسكەمەن تەرگەۋ يزولياتورلارىنىڭ قىزمەتكەرلەرىنە وسكەمەن مەن سەمەيدىڭ ەكى تۇرعىنى اتىس قارۋى مەن وق-دارىلەردى زاڭسىز ساقتاعانى تۋرالى جەدەل اقپارات كەلىپ ءتۇستى دەپ حابارلادى turkystan.kz.

جەدەل اقپاراتتى العان شقو بويىنشا قاجد 156/1 وۆ قىزمەتكەرلەرى ونى پوليتسيا قىزمەتكەرلەرىنە تاپسىردى. بىرلەسكەن جەدەل-ىزدەستىرۋ شارالارى بارىسىندا سەمەي تۇرعىنى ءوز ۇيىندە تم-62م تانككە قارسى قولدانۋعا ارنالعان مينانى جاسىرعانى انىقتالدى.

سونىمەن قاتار شقو بويىنشا قاجد وۆ 156/1 جەدەل ءبولىمى شقو پد كريمينالدىق پوليتسيا باسقارماسىنىڭ قىزمەتكەرلەرىمەن بىرگە اتالعان پاتەردە 16 مم كاليبرلى بم ۇلگىسىنىڭ تەگىس ۇڭعىلى اڭشىلىق مىلتىعىن تاپتى.

«ەر ادامداردى قارۋ الۋعا رۇقسات قۇجاتى بولعان جوق. تاركىلەنگەن زاتتارعا ساراپتاما تاعايىندالدى»، دەلىنگەن حابارلامادا.

«قر قىلمىستىق كودەكستىڭ 287-بابىنا ساي «قارۋدى، وق-دارىلەردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا تەرگەۋ امالى جۇرگىزىلىپ جاتىر»، دەدى شقو بويىنشا قاجد وۆ 156/1 مەكەمەسىنىڭ باستىعى قانات ءجۇسىپوۆ.

ۇقساس جاڭالىقتار

Back to top button