اۋە بيلەتتەرى 16 پايىزعا قىمباتتاۋى مۇمكىن – ساراپشىلار

الەم بويىنشا اۋە بيلەتتەرى كەم دەگەندە 16 پايىزعا قىمباتتاۋى مۇمكىن. بۇل تۋرالى اۋە ساراپشىلارى ايتتى دەپ حابارلادى turkystan.kz Tourprom سايتىنا سىلتەمە جاساپ.

اڭگىمە Fit for دەپ اتالاتىن ەۋروپالىق كوميسسيانىڭ شارالار پاكەتى تۋرالى بولىپ وتىر. ول پارنيكتىك گازدار شىعارىندىلارىن كەلەسى سەگىز جىل ىشىندە 1990 جىلعى دەڭگەيدەن 55 پايىزعا ازايتۋعا باعىتتالعان. ACI Europe اۋەجايلار قاۋىمداستىعى ۇسىنىلعان بارلىق شارا «رەيستەرگە اسەرىن جان-جاقتى باعالاماي جاريالاندى» دەپ سىناعان.

«ەو ۇسىنىستارى تاريفتەردىڭ ايتارلىقتاي وسۋىنە اكەلەدى. ناتيجەسىندە تۋريستەر جاڭا سوققىعا تاپ بولادى، ويتكەنى اۋە بيلەتتەرىنىڭ باعاسى وسەدى. ەو-نىڭ زياندى شىعارىندىلاردى ازايتۋ سحەماسى 2030 جىلعا قاراي ۇشۋ قۇنىنىڭ ورتاشا ەسەپپەن 16 پايىزعا وسۋىنە اكەلۋى مۇمكىن»، – دەپ ەسكەرتەدى اۋە ساراپشىلارى.

سونىمەن قاتار، يسپانيا، گرەكيا جانە يتاليا سياقتى تانىمال باعىتتار ەڭ كوپ زارداپ شەككەندەردىڭ قاتارىندا بولادى. ال تۋريستىك قىزمەتتەرگە سۇرانىس 11 پايىزعا تومەندەيتىنىن ايتادى زەرتتەۋشىلەر.

ايماقارالىق تاسىمالداۋ دا زارداپ شەگەدى. جالپى، ACI Europe باس ديرەكتورى وليۆە يانكوۆەتستىڭ ايتۋىنشا، ەۋروپالىق كوميسسيانىڭ ۇسىنىسى «جاعىمسىز جانە كۇتپەگەن سالدارعا» اكەپ سوعادى.

ۇقساس جاڭالىقتار

Back to top button