«بۇل جولعىسى ەرەكشە»: تاعى دا پاندەميا جاريالاندى

دۇنيەجۇزىلىك دەنساۋلىق ساقتاۋ جەلىسى مايمىل شەشەگىن پاندەميا دەپ بەكىتتى. بۇل تۋرالى قازاقستانداعى كوروناۆيرۋستىڭ تارالۋىنىڭ الدىن الۋ جونىندەگى ۆەدومستۆوارالىق كوميسسيا ءمالىم ەتتى دەپ حابارلادى turkystan.kz.

ددسج سايتىندا ءمالىم ەتىلگەندەي، اتالمىش ۇيىم مايمىل شەشەگىنىڭ ءورشۋىن جاھاندىق ماڭىزى بار توتەنشە جاعداي دەپ تانىدى. قازىرگى ۋاقىتتا ينفەكتسيانى جۇقتىرۋ جاعدايلارى 58 ەلدە انىقتالدى، ناۋقاستاردىڭ جالپى سانى 3 400-دەن استى. ينفەكتسيانىڭ تارالۋ قارقىنى اپتا سايىن ارتىپ كەلەدى. ال ونىڭ تەرىس سالدارىن ازايتۋ ءۇشىن ۆيرۋس تاراپ جاتقان بارلىق جەردە شۇعىل شارالار قابىلداۋ كەرەك.

ەسكە سالايىق، بۇعان دەيىن دۇنيەجۇزىلىك دەنساۋلىق ساقتاۋ ۇيىمى 23 ماۋسىمدا مايمىل شەشەگىنىڭ ءورشۋىنىڭ جاھاندىق قاۋپىن باعالاۋ ءۇشىن توتەنشە كوميتەت وتىرىسىن شاقىراتىنىن ايتقان بولاتىن.

ۇيىمنىڭ باس ديرەكتورى تەدروس ادحانوم گەبرەيەسۋستىڭ ايتۋىنشا، مايمىل شەشەگىنىڭ بۇعان دەيىنگى ءورشۋ جاعدايلارىمەن سالىستىرعاندا، ۆيرۋستىڭ بۇل جولعى نۇسقاسىندا ەرەكشەلىكتەر بار. سول سەبەپتى ۆيرۋسولوگتار بۇعان ءجىتى نازار اۋدارۋى ءتيىس.

ۇقساس جاڭالىقتار

Back to top button