AMANAT партиясы мұғалімдердің мәселесін бақылауға алды

AMANAT партиясы мұғалімдердің мәселесін бақылауға алды

Мектеп мұғалімдеріне еңбек демалысының ақысы мен денсаулықты сауықтыру жәрдемақысын уақтылы төлемеу мәселесі AMANAT партиясы жанындағы Білім беру және денсаулық сақтау мәселелері жөніндегі республикалық қоғамдық кеңестің кезектен тыс отырысында қаралды деп хабарлады turkystan.kz. AMANAT партиясының Хатшысы Жігер Қалиевтің айтуынша, орын алып отырған жағдай мемлекеттің педагогтарды қолдау үшін жұмсаған бар күш-жігерін зая кетіреді. «Мәжіліс депутаттары мен партияның аймақтардағы қоғамдық қабылдау бөлмелеріне мектеп мұғалімдерінен еңбек демалысының ақысы мен сауықтыру жәрдемақысының толық және уақтылы төленбеу фактілері бойынша көптеген шағым келіп түсті. Партия мүшелерінің 30%-дан астамы – білім беру саласының өкілдері. Сондықтан бүгін біз партия алаңына өкілетті министрліктердің өкілдерін шақырдық және бейнеконференця байланысы арқылы барлық өңір қосылып отыр», - деді Жігер Қалиев. Өз кезегінде Кеңес төрағасының орынбасары, AMANAT партиясынан сайланған Мәжіліс депутаты Жұлдыз Сүлейменова білім саласын дамытып, ұстаздардың мәртебесін көтеруді партия өзінің сайлауалды бағдарламасында белгілеп, қолдап келе жатқанын алға тартты. «Пандемиядан кейінгі оқу жылы ұстаздарымыз үшін де оңай болған жоқ. Осындай кезде мұғалімдерге қатысты мұндай жағдайдың орын алғаны жөнсіз. Кеңеске қай мектептің, қай мұғалімі төлем алмағаны туралы мәлімет берілуі тиіс. Ал 30 маусымға дейін барлық қаражат төленуі қажет», - деді депутат.   Білім және ғылым вице-министрі Ғани Бейсембаевтың айтуынша, мәселе жергілікті атқарушы органдардың бюджетті дұрыс жоспарламауынан туындаған.