قاسىم-جومارت توقاەۆ ماۋلەن اشىمباەۆتى قابىلدادى

قاسىم-جومارت توقاەۆقا ەلوردادا 14-15 قىركۇيەك ارالىعىندا وتەتىن الەمدىك جانە ءداستۇرلى دىندەر كوشباسشىلارىنىڭ VII سەزىنە دايىندىق بارىسى جونىندە اقپارات بەرىلدى دەپ حابارلادى turkystan.kz اقورداعا سىلتەمە جاساپ. 

فورۋمعا قاتىسۋشىلار پاندەميادان كەيىن ادامزاتتىڭ الەۋمەتتىك-رۋحاني دامۋىنداعى الەمدىك جانە ءداستۇرلى كونفەسسيا كوشباسشىلارىنىڭ ءرولىن تالقىلايدى.

سەزگە جوعارى دەڭگەيدەگى ءدىني جانە رۋحاني كوشباسشىلار قاتىسادى دەپ جوسپارلانعان. سەزد حاتشىلىعى فورۋمدى ۇيىمداستىرۋ جانە مازمۇنى جاعىنان جوعارى دەڭگەيدە وتكىزۋ ءۇشىن بەلسەندى جۇمىس ىستەپ جاتىر.

سەنات توراعاسى پارلامەنتتىڭ VII شاقىرىلىمداعى 2-سەسسياسىندا سەنات اتقارعان جۇمىستاردىڭ قورىتىندىسى جونىندە مالىمەت بەردى. قازىرگى ۋاقىتتا پارلامەنت 68 زاڭدى قابىلداپ، مەملەكەت باسشىسىنا جولدادى. سەنات دەپۋتاتتارى وسى سەسسيا بارىسىندا 18 زاڭ جوباسىنا باستاماشى بولعان.

مەملەكەت باسشىسىنا كونستيتۋتسيالىق رەفورمالار اياسىندا زاڭ شىعارۋ پروتسەدۋراسىن وڭتايلاندىرۋ ۇدەرىسى جونىندە اقپارات بەرىلدى.

ۇقساس جاڭالىقتار

Back to top button