ءبيبىسارا اساۋباەۆا توقاەۆتان قانداي سىيلىق العانىن كورسەتتى

شاحماتشى ءبيبىسارا اساۋباەۆا قازاقستان پرەزيدەنتىنەن قانداي سىيلىق العانىن كورسەتتى دەپ حابارلادى turkystan.kz

سپورتشى مەملەكەت باسشىسىنان العان سىيلىعىن فوتوعا ءتۇسىرىپ، Instagram-داعى پاراقشاسىنا جۇكتەدى.

«44-ءشى دۇنيەجۇزىلىك شاحمات وليمپياداسىنا الەمنىڭ تۇكپىر-تۇكپىرىنەن مىقتى سپورتشىلار كەلەدى. اتالمىش دودادا ءبىز دە باق سىنايمىز. جارىسقا قاتىسۋداعى ماقسات – جەڭىس تۇعىرىنان كورىنۋ. قۇرمەتتى قاسىم-جومارت كەمەل ۇلى، بىزگە سەنىم بىلدىرگەنىڭىزگە مىڭ العىس»، –  دەدى ءبيبىسارا اساۋباەۆا.

ەسكە سالساق، بۇگىن مەملەكەت باسشىسى شاحماتتان قازاقستان ايەلدەر قۇراماسىنىڭ مۇشەلەرىمەن جانە شاحمات فەدەراتسياسىنىڭ وكىلدەرىمەن كەزدەستى. اقورداعا پرەزيدەنتپەن كەزدەسۋگە الەم چەمپيوندارى مەن حالىقارالىق گروسسمەيستەرلەر – جانسايا ابدىمالىك، دينارا سادۋاقاسوۆا، ءبيبىسارا اساۋباەۆا، گ ۇلىسحان ناقباەۆا، حالىقارالىق شەبەر – مەرۋەرت كاماليدەنوۆا جانە قازاقستان شاحمات فەدەراتسياسىنىڭ پرەزيدەنتى عالىم قۇسايىنوۆ پەن ۆيتسە-پرەزيدەنت دارمەن سادۋاقاسوۆ قاتىستى.

ءوز كەزەگىندە مەملەكەت باسشىسى قازاقستان ايەلدەر قۇراماسىنا الداعى ۋاقىتتا ءۇندىستاننىڭ چەنناي قالاسىندا وتەتىن دۇنيەجۇزىلىك شاحمات وليمپياداسىندا ساتتىلىك تىلەدى.

ۇقساس جاڭالىقتار

Back to top button